segunda-feira, 2 de julho de 2018

Fronteira Terestes TL-Indonezia Dois Pursentu Seidauk Rejolve


DILI - Eis Prezidente da Republika Jose Ramos Horta hateten, sei iha asuntu balu bele halo ho Indonezia hodi hetan solusaun ida, hanesan fronteira terestres dois pursentu neebe too agora seidauk resolve.

Hau akompania Prezidente da Republika nia vizita ba Indonezia akompania husi dok, hau kontenti teb tebes ho balansu ke positive. Ita nia PR bele hetan apresiasaun neeba diak teb tebes husi PR Jokowi, neebe hatudu relasaun TL ho Indonezia metin nafatin, maibe sei iha asuntu balu ke bele halo ho Indonezia hodi hetan solusaun ida hanesan fronteira terestres dois pursentu neebe to agora seidauk resolve,” dehan Eis PR Horta ba jornalista sira hafoin remata inkontru ho PR lu Olo, iha palasiu PR, Bairu-Pite, Dili, Segunda (02/07/2018).

Eis aman nasaun RDTL nee hateten, hahu negosiasaun fronteira maritima Timor ho Indonezia, nee ajenda ida ke mai tiha husi Kintu, Sestu Governu neebe komtempla tiha ona, tanba parabens ba Prezidente Lu Olo nia vizita ba Indonezia tau planu ba buat sira nee hodi flow up, maibe governu mos tenke halo flow up ba ida nee.

Iha parte ketak Ministru Negosiu Estranjeiru, Dionisio Babo hateten, iha vizita Prezidente da Republika Francisco Guterres Lu Olo ba Indonezia kolia mos sobre fronteira maritima ho Fonteira maritime terestres, neebe pias rua nian hanoin katak, importante atu diskute para rejolve detail iha segmentu rua. 

Notisia kompletu lee iha jornal STL edisaun Tersa (03072018)  

Carme Ximenes | Suara Timor Lorosae

Sem comentários: