quinta-feira, 12 de julho de 2018

Gastao-Marcos Sai Duni Arguidu


DILI - Gastao Souza no Marcos da Cruz sai duni hanesan arguidu, tanba sira hetan akuzasaun husi Ministeriu Publiku hodi ba hatan iha tribunal, ba kazu neebe sira komete ona.

Gastao Souza sai arguidu tanba deskonfia komete krime pekulatu, administrasaun danoza no falsifikasaun dokumentus neebe deskonfia involve eis ministru Obras Publikas Transportes e Comunicasoens (MOPTC), Gastao de Sousa, padre Martinho Gusmao, inklui Gastao de Sousa nia oan Jordao Maria de Jesus da Silva Sousa, Ferlio Afonso Bado Loi da Silva Sousa no funsionariu publiku iha MOPTC, Diogo da Costa.

Enkuantu arguidu Marcos da Cruz nudar Vice Ministru iha Ministeriu Agrikultura sai mos hanesan arguidu, tanba envolve iha krime, konaba sosa fini ba karau susu ben, hamutuk 165 husi Australia hodi distribui ba benefisiariu iha Eraulu, sub distritu Lete Foho, Ermera no Fuiloro, distrito Lautem ho montante USD$ 660,000.00.

"Gastao nian julgamentu lao hela, nunee mos Marcos nia kazu lao hela iha julgamentu, tanba nee sira nia kazu tama ona iha tribunal, publiku hotu hatene. Sira nia kazu nee julgamentu lao hela, maibe seidauk hotu,” dehan Prezidente Majislatura Judisial Timor Leste, Antoninho Gonsalves ba STL iha nia knar fatin TDD Kuarta, (11/07/2018).

Nia afirma tan, kazu neebe tama iha tribunal, julgamentu loke ba publiku, tanba nee ema hotu hatene. Kazu Gastao nian julgamentu lao hela, maibe konaba Marcos nian, seidauk hatene lolos, julgamentu nee lao too iha neebe ona. 

Notisia kompletu lee iha jornal STL edisaun Kinta (12/07/2018).

Terezinha De Deus | Suara Timor Lorosae

Sem comentários: