DILI, (TATOLI) – Primeiru-Ministru,
Taur Matan Ruak, hateten sei halo esforsu hodi kompleta estrutura governu
da-ualu hodi implementa programa ba dezenvolvimentu Nasaun.
ʺGovernu
nian mandatu tinan lima, tanba ne’e sei kompletaʺ,
tenik Xefe Governu ba jornalista sira hafoin enkontru ho Prezidente Repúblika,
Francisco Guterres Lú Olo, iha Palásiu Prezidensiál Bairru Pité, ohin.
Sorumutu ne’e Xefe Ezekutivu
aprejenta servisu no programa governu nian durante semana ida, la diskute
kona-ba lista membru governu ne’ebé seidauk simu pose.
“Ami halo esforsu para ita nia
atividade hanesan prepara aprejenta programa ba Parlamentu Nasionál depois
haree orsamentu ba 2018 no importante liu orsamentu 2019ʺ, afirma.
Tinan oin, governu promete sei
aloka orsamentu ho di’ak ba dezenvolvimentu ekonomia rai laran, tanba durante
tinan ida la la’o.
ʺPratikamente
Estadu maka investe maka’as kompara ho setór privadu, tanba iha difikuldade
barak ho nune’e afeta ba ekonomia rai laran, ita tenke servisu maka’as ho
orsamentu 2019 bele hadi’a di’ak liutánʺ,
akresenta Taur Matan Ruak.
Jornalista: Agapito dos Santos | Editora:
Rita Almeida
Imajen: Primeiru-Ministru, Taur
Matan Ruak, ko'alia ba jornalista sira hafoin hasoru Xefe Estadu iha Palásiu
Prezidensiál Bairru Pité, ohin. Foto António Goncalves
Sem comentários:
Enviar um comentário