Ministru Seguransa indonezia nian
anunsia iha loron-kinta ne'e katak ema mate hamutuk na'in 319 tanba rai-nakdoko
ne'ebé akontese iha loron-domingu ne'e, iha illa Lombok, iha súl Indonezia nian.
"Informasaun sira ikus
hatudu katak ema mate na'in 319", hatete ministru ne'e durante konferénsia
imprensa ida iha Jakarta, iha loron ne'ebé mak akontese fali rai-nakdoko dala
ida tan.
Balansu provizoriu vitima sira
ne'ebé maka divulga tiha ona ne'e hatudu ba ema mate na'in 220.
Hafoin rai-nakdoko ho magnitude
6,9 ne'e uma barak maka hetan estragu.
Rai-nakdoko iha loron-domingu
ne'e, ho nian episentru klean metru rihun sanulu, akonstese semana ida hafoin
rai-nakdoko ida, ne'ebé iha mós illa turístika Lombok, ne'ebé maka provoka ema
mate na'in 17 no kanek na'in 300 resin.
Rai-nakdoko iha loron-kinta ne'e,
ho magnitude 5,9, ne'ebé maka nia episentru iha norte illa lombok ne'e, la iha
potensial ida atu mosu tsunami, tuir ajénsia jeolójika indonezia nian.
SAPO TL ho Lusa
Sem comentários:
Enviar um comentário