sexta-feira, 10 de agosto de 2018

Rai-nakdoko ho 5,9 ba dala tolu iha loron 11 nian laran iha illa Lombok, iha Indonezia

PARTILHAR

Rai-nakdoko ho magnitude 5,9 ba dala tolu iha loron 11 nian laran iha illa Lombok, iha Indonezia, informa hosi Serbisu Jeolójiku Estadus Unidus nian (USGS).

Rai-nakdoko ne'e akontese iha norte illa Lombok nian, iha fatin ne'ebé maka akontese rai-nakdoko ho magnitude 6,9 iha loron-domingu ne'e, ne'ebé maka halo ema mate na'in 164 resin, kanek na'in 1.400 no ema rihun na'in 156 mak lakon sira nian hela fatin.

Tuir ajénsia jeolójika indonezia nian, rai-nakdoko ne'e la iha potensial ida atu mosu tsunami.

Rai-nakdoko iha loron-domingu ne'e, ho nian episentru klean metru rihun sanulu, akonstese semana ida hafoin rai-nakdoko ida, ne'ebé iha mós illa turístika Lombok, ne'ebé maka provoka ema mate na'in 17 no kanek na'in 300 resin.

Hafoin rai-nakdoko ho magnitude 6,9, iha loron-domingu ne'e, uma barak hetan estragu. Autoridade sira admiti katak numero ba ema mate sei aumneta tan bainhira ekipa emerjénsia sira kontinua hamos fatin sira hetan destruisaun sira ne'e.

Morador sira barak maka husik sira nian hela fatin hodi ba hela iha tenda sira ou hela fatin temporariu, iha rai manas tropikal ida ne'ebé maka iha arkipélagu Sudeste Aziátiku iha bai-loron ne'e. Tuir autoridade sira, iha ema balun mak la iha asesu ba ai-han, bee moos no medikamtu sira.

Sekretariu-geral ONU nian, António Guterres, oferese ona ajuda hosi entidade nian ba nasaun ne'e, ne'ebé maka situa iha 'Ring of Fire of Pacific', rejiaun ida ne'ebé ho rai-nakdoko no vulkaun ne'ebé maka rejista rai-nakdoko rihun hitu resin tinan-tinan, no barak liu mak moderadu deit.

Rai-nakdoko ne'e klasifika tuir magnitude mak hanesan mikro (inferior hosi 2,0), kiik liu (2,0-2,9), kiik (3,0-3,9), lijeiru (4,0-4,9), moderadu (5,0-5,9), forte (6,0-6,9), boot (7,0-7,9), importante (8,0-8,9), esesionál (9,0-9,9) no estremu (liu 10).

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: