DILI, (TATOLI) – Vise
Ministru ba Dezenvolvimentu Estratéjiku Saúde, Bonafácio Maukoli dos Reis,
hateten governu sei selu deve rihun atus ida, fulan rua nian ba kompañia São
José ne’ebé fornese hahan ba pasiente sira iha ospitál Nasionál
Guido Valadares (HNGV-sigla portugés).
“Ita deve kompañia kuaze fulan
rua ona, tanba ne’e ami informa ba Primeiru-Ministru atu haree asuntu ne’eʺ, katak nia ba jornalista sira hafoin informa
situasaun jerál ospitál nian ba Xefe Governu, Taur Matan Ruak, iha Palásiu
Governu, ohin.
Maske seidauk halo pagamentu,
maibé kompañia ne’e kontinua fornese hahan ba HNGV.
Governante ne’e rekoñese
kapasidade kompañia iha orsamentu, maibé husu atu pasensia hein promulgasaun
orsamentu duódesimu milliaun 140 hosi Prezidente Repúblika iha tempu besik.
ʺGovernu
la’ós la selu maibé sei selu, tanba ne’e husu kompañia nia komprensaunʺ, tenik.
Sorumutu ne’e, Xefe Ezekutivu
husu ba kompañia liuhosi ministériu saúde hodi hein alokasaun orsamentu.
ʺPrimeiru-Ministru
hakarak hatudu rezultadu iha servisu governasaun da-ualuʺ, dehan governante. Nia haktuir aimoruk iha ospitál sufisiente.
Entretantu iha 2018 alokasaun OJE
ba ospitál milliaun 6.2. Tinan 2017 hamutuk milliaun 9.3.
Jornalista: Agapito dos Santos | Editora:
Rita Almeida
Sem comentários:
Enviar um comentário