sábado, 11 de agosto de 2018

PR Promulga Ona Pedidu Autorizasaun Extraordináriu Orsamentu

PARTILHAR

DILI, (TATOLI) - Prezidente-Repúblika (PR), Francisco Guterres Lú Olo, promulga ona dekretu Parlamentu Nasionál nú. 1/V kona-ba pedidu autorizasaun extraordináriu hodi realiza transferénsia fundu petrolíferu ho montante miloens $140.

Tuir informasaun hosi Mídia Prezidénsia-Repúblika ne’ebé Ajénsia Tatoli asesu iha sesta loraik katak Prezidente-Repúblika promulga dekretu refere iha tuku 16:00 otl, ohin.

Dekretu refere antes ne’e Xefe-Estadu haruka ba Tribunál Rekursu hodi hala’o fiskalizasaun abstrata no bainhira Tribunál Rekursu haree katak dekretu lei refere tuir duni regra konstituisaun RDTL.

Objetivu hosi transferénsia fundu petrolíferu ho montante miloens $140 ne’e atu finánsia mákina Estadu ba fulan ruan nian (jullu no agustu). 

Jornalista: Xisto Freitas
PARTILHAR

Author: verified_user

Publicação luso-timorense sem fins lucrativos

0 comentários: