sábado, 11 de agosto de 2018

PM guineense garante katak eleisaun sei halao iha loron 18 Novembru

PARTILHAR

Primeiru-ministru Guiné-Bisau garante iha loron-sesta ne'e katak eleisaun lejislativa sei halao iha loron 18 Novembru no resenseamentu sei hahú iha loron 23 fulan ne'e.

"Ami sei realiza eleisaun iha loron 18 Novembru. Agora daudaun ne'e ami iha pozisaun seguransa ne'ebé di'ak konabá preosesu eleitoral ne'e, liu-liu ho posibilidade atu konsege dispozitivu resenseamentu nian hodi hahú resenseamentu ne'e iha loron 23 Agostu", afirma Aristides Gomes, iha Bisau.

Primeiru-ministru ne'e esplika katak resenseamentu ne'ebé bele hahú iha loron 23 tanba iha kooperasaun ho Nijéria no kooperasaun suplementar ida ho Timor Leste.

"Ami bele hahú ami nian resenseamentu iha loron 23 (Agostu), ne'ebé kumpri lei resenseamentu nian liu hosi prosesu ne'ebé maka bele halo resenseamentu ba ema sira no entrega kedas kartaun eleitoral sira", salienta.

Aristides Gomes hatete katak nia mós iha kosiensia ba difikuldade sira, liu-liu, iha "tempu udan", maibe nia garante katak Governu sei halo buat hotu atu resenseamentu ne'e bele halao iha loron 30 nian laran.

"Ami iha kondisaun hodi hahú resenseamentu ne'e iha loron 23 Agostu. Situasaun ida ne'bé maka sei la fila fali. Ami sei realiza eleisaun sira ne'e", hatete.

Resenseamentu eleitoral iha Guiné-Bisau ne'e sei halao entre loron 23 fulan ne'e no loron 23 Setembru. Eleisaun lejislativa marka ona ba loron 18 Novembru.

Aristides Gomes nomeadu ba primeiru-ministru Guiné-Bisau nian iha fulan Abril, ne'ebé maka forma Governu ida ne'ebé reprezenta hosi partidu politiku sira ho asentu parlamentar, tuir saida maka previstu iha Acordo-Conakry.

Nomeasaun Aristides Gomes nian ne'e tau fin ba difikuldade politiku ne'ebé maka Guiné-Bisau enfrenta durante tinan tolu resin. Prinsipal objetivu Governu foun guineense ne'e maka organizasaun eleisaun lejislativa nian.

Aktu eleitoral ne'e ho orsamentu hamutuk dolares millaun 7,8 resin, no iha simeira Komunidade Nasaun sira Lian Portuguesza (CPLP), iha Cabo Verde iha fulan Jullu ne'e, Prezidente guineense, José Mário Vaz, husu apoiu ida ho montante euro millaun tolu resin.

"Sira Kongratula autoridade Guiné-Bisau sira tanba anunsia ba realizasaun eleisaun lejislativa sira, ne'ebé previstu ba loron 18 Novembru 2018, no apela ba Komunidade parseiru sira hodi konkretiza ho tempu kontribuisaun sira ne'ebé mak anunsia tiha ona, ne'ebé maka nesesariu ba realizasaun ba eleisaun ne'e", Lé iha Deklarasaun Santa Maria, ne'ebé maka aprova hosi xefe Estadu no Governu luzófonu sira iha simeira.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: