terça-feira, 14 de agosto de 2018

Strutura Governu Inkompletu Impaktu Debate OJE 2018


DILI – Relasiona ho strutura governu seidauk kompletu, impaktu ba debate Orsamentu Jeral Estadu (OJE) 2018.

Kestaun nee hatoo husi Prezidente PN Arao Noe hatete, strutura governu too agora seidauk governu, tuir konstituisaun atu aprezenta kandidatu ba membru governu kompetensia PM nia atu fo pose kompetensia exkluziva PR nian, maibe PM nia desizaun sei latroka ou mantein  kandidatu sira.

“Nia impaktu ba atu debate ba OJE iha tanba, liga ba iha ministeriu balu sei mamuk, kuandu iha debate nee se mak atu mai defende sira nia orsamentu oinsa descreve sira nia orsamentu, se mak atu responsabiliza, tanba nee atu dehan katak kompetensia nee PR nian, maibe impaktu ba debate  ba OJE nee iha. Laos nee deit maibe kona ba lei organika governu, lei promulga para bele descreve kompetensia ministeriu ida-idak nian,” katak PPN ba Jornalista Segunda (13/08/2018) iha PN.

PPN dehan, pose iha ona, maibe atu descreve kompetensia iha area tematika kada membru governu tenke liu husi  lei organika do governu, tanba nee mak impaktu mos sei kuandu lei organiku governu seidauk promulga.

Iha fatin hanesan Deputada Bankada Fretilin, Josefa Alvares hatete, kona ba atu kompleta strutura membru governu, kabe ba PM atu haroo ema neebe mak ba tuur iha ministeriu sira, neebe lista ne tenke lori ba aprezenta iha PR, i PR mos tenke fo paraser ruma, durante nee PR haree katak iha mos hanoin ruma husi PR hodi fo fila fali ba PM atu hodi haree fila fali hodi konsidera hanoin sira husi PR kona ba ema sira enebe aprezenta.

Notisia kompletu lee iha jornal STL edisaun Tersa (14/08/2018)

Guilhermina Franco | Suara Timor Lorosae

Sem comentários: