DILI, (TATOLI) – Diretór
Jerál Finansa Estadu Ministériu Finansas (MF), Januário da Gama, hatete iha
jullu 2018 tanba laiha likidez ne’ebé sufisiente atu hatán ba tetu orsamentu
duodesimál ho totál millaun $88.9, entaun iha períodu ne’e MF tenta ho esforsu
tomak ida halo prioritizasaun ba despeza ne’ebé tenke halo.
“Entaun iha fulan-jullu ne’e
dadus ne’ebé hetan husi tezouru pagamentu real ne’ebé halo ne’e pur
volta millaun 23. Ida ne’e só ba pagamentu saláriu no vensimentu no pagamentu
ba veteranu no despeza ki’ikoan sira ne’ebé tama hanesan prioridade ida ne’ebé
ita tenke halo iha fulan-jullu”, Gama hatete iha konferénsia imprensa sobre
Dotasaun Orsamentál Temporária (DOT) agostu nian iha Aitarak-Laran, ohin.
Tanba ne’e iha agostu ida ne’e
iha ona kapasidade likidez no hetan tan apoia husi trasferénsia Fundu Mina-rai
ne’e maka sei orienta ministériu no instituisaun sira atu komesa tama ba
ezekusaun normál despeza DOT ida-idak nian.
Iha fulan ne’e DOT hamutuk
$133,409,148 ne’ebé inklui empréstimu atu gasta ba atividade no funsionamentu
mákina Estadu nian.
Iha 10 agostu Prezidente
Repúblika promulga ona dekretu Parlamentu Nasionál númeru 1/V kona-ba autorizasaun
estraordinária ba realizasaun transferénsia ida Fundu Petróleu nian.
Jornalista: Maria Auxiliadora | Editora:
Rita Almeida
Imajen: Foto Diretór Nasionál
Finansas Estadu, Salomão Yoaquim, Xefe Gabinete Komunikasaun no Informasaun,
Agostinho Castro no Diretór Jerál Finansas Estadu, Januário da Gama, bainhira
halo konferénisia imprensa sobre DOT Agostu nian . Foto/MF.
Sem comentários:
Enviar um comentário