Balansu foun hosi autoridade
indoneziu sira hatudu katak ema mate hamutuk na'in 436 hafoin rai-nakdoko iha
semana kotuk iha Lombok, iha súl nasaun ne'e.
Ajénsia nasional dezastre nian
informa loron-segunda ne'e katak rai-nakdoko iha loron 05 Agostu ne'e oho ema
hamutuk na'in 436, barak liu mate iha edifisiu ne'ebé monu.
Uma rihun, meskita no empreza
sira hetan destruisaun iha rai-nakdoko ho magnitude 6,9 ne'ebé maka nia
episentru iha norte illa lombok nian.
Rai-nakdoko ne'e halo estragu ba,
uma 67.875 resin, koléjiu 468 resin, ponte nein, meskita 15 no sentru saúde 13.
Iha estimativa katak sei iha tan ema ne'ebé kanek hamutuk rihun na'in 13.
Estrada barak iha Lombok hetan
estragus, no sai prinsipal difikuldade hodi autoridade sira atu fahe ai-han no
medikamentu ba populasaun sira afetada.
Morador sira barak maka husik
hela sira nian hela fatin, no ba hela fali iha tenda sira ka abrigu temporariu
sira, iha rai-manas tropikal nian laran iha arkipélagu aziátiku ne'e.
Sekretáriu-jeral ONU nian,
António Guterres, oferese ona ajuda organizasaun nian ba nasaun ne'ebé maka
situa iha "Ring of Fire of Pacific", zona ho rai-nakdoko no vulkaun
ne'ebé maka rejista rihun hitu resin tinan-tinan, barak liu mak moderadu deit.
Rai-nakdoko ne'e klasifika tuir
magnitude mak hanesan mikro (menuz hosi 2,0), kik liu (2,0-2,9), kik (3,0-3,9),
lijeiru (4,0-4,9), moderadu (5,0-5,9), forte (6,0-6,9), boot (7,0-7,9),
importante (8,0-8,9), esesional (9,0-9,9) no estremu (superior a 10).
SAPO TL ho Lusa
Sem comentários:
Enviar um comentário