DILI - Polisia Nasional
Timor Leste (PNTL) liu husi Servisu Investigasaun Kriminal Nasional (SIK-N),
buka tuir ema sira neebe uja ID falsu hodi trata lider sira inklui posting foto
Prezidente Republika nian ho Primeira Dama iha Media Sosial.
Tuir Sub Xefi SIK-N, Inspetor
Xefi Polisia Mouzinho T.Correia hatete, oras nee dadaun PNTL komesa indentifika
ona ema sira neebe mak publika prezidente republika ho primeira dama nia foto
ba iha media social nian.
“Iha tempu badak ami sei hein
mandadu de kapturasaun husi Ministeriu Publiku (MP),tanba nee prosesu sira nee
bainhira halo hafoin de hetan delegasaun kompotensia husi parte kompotete.Se
sein delegasaun husi MP polisia labele halo buat ida, tanba nee tenke hein
delegasaun kompotensia hafoin atu halo prosesu ba iha kazu ida,” dehan Mouzinho
ba jornalista sira iha nia servisu fatin Kuartel Jeral PNTL.
Nia deklara, tanba nee seidauk
bele fo sai ba publiku ema neebe uja ID falsu nee sidadaun Timor ka sidadaun
estrajeiru,hein deit bainhira delegasaun mai ami ba indentifika maka foin bele
hatene lolos ema neebe mak publika foto nee.
Notisia kompletu lee iha jornal
STL edisaun Segunda (24092018)
Sonia Ferreira | Suara Timor
Lorosae
Sem comentários:
Enviar um comentário