Prezidente ne'ebé hakotu ona
mandatu hosi Indonézia, Joko Widodo, hatete iha loron-kinta katak nia sai
eleitu fali hafoin simu estimativu ida ho 54% hosi votu sira, rekua iha
desizaun hodi hein rezultadu ofisial sira hafoin nia rival reklama tiha vitória
imposível ida.
Hafoin enkontru ida ho partidu
sira hosi nia koligasaun, Widodo hatete ba jornalista sira katak líder na'in 20
resin hosi nasaun sira Sudeste Aziátiku nian no hosi rejiaun sira seluk
felisita ona nia tanba konsege hetan mandatu daruak.
Estimativu hosi votu sira bazeia
iha ko ntajen lalais sira hosi ezemplu ida hosi asembleia sira votu nian ne'ebé
halo hosi empreza konseituadu sira hosi sondajen nian no ne'ebé iha pasadu
hatudu ona katak hanesan loos iha previzaun hosi rezultadu ikus.
Widodo hatete katak hanesan 100%
ka kuaze hosi asembleia amostra nian konta tiha ona.
Nia adversáriu Prabowo Subianto
hatete katak hetan 62% hosi votu sira iha eleisaun loron-kuarta ho baze hosi
informasaun hosi nia kampaña.
Komisaun Eleitoral tenki fó sai
informasaun ofisial sira hosi eleisaun prezidensial ho lejislativu to'o loron
22 Maiu.
Autoridade indonéziu sira alerta
ona iha loron-kuarta kontra manifestasaun ruma, hafoin Subianto lakohi rekoñese
rezultadu provizóriu ne'ebé maka fó vitória ba Widodo.
Xefe polísia nasional, Tito
Karnavian, hatete katak eleisaun sira halo "iha seguransa" labele
hetan perturbasaun hosi manifestante sira no haruka ona orden ba posibilidade
detensaun sira.
"Iha kazu hosi asaun ilegal
ka la tuir konstituisaun ne'ebé ameasa estabilidade ho seguransa públika",
autoridade sira "sei foti medida firmi", nia afirma.
"Ha'u apela ba ema hotu hodi
labele partisipa iha manifestasaun sira, maski hodi felisita ka hatudu laran
triste" hasoru rezultadu sira, Karnavian hatutan.
Tuir ajénsia France Presse,
estrada sira iha Jakarta iha loron-kinta ne'e hanesan hakmatek, loron ida
hafoin votasaun iha nasaun ho habitante hamutuk millaun 260.
Lusa | iha SAPO tl
Sem comentários:
Enviar um comentário