Ativista indonéziu Yenni Wahid
konsidera ona, iha loron-segunda ne'e, katak destruisaun hosi estrutura lokal
sira, hamutuk ho brutalidade sira, hanesan ona sala boot ida hosi jestaun
Suharto nian iha Timor-Leste.
ha entrevista ne'ebé halo ba
Lusa, eis-Prezidente Wahid nia oan-feto ne'ebé akompaña ona referendu tinan
1999 nu'udar jornalista, kritika ona modelu jestaun hosi rejimi Suharto nian
iha Timor-Leste, hodi estraga modelu tradisional ne'ebé iha ona.
"Sala boot ida hosi Orde
Baru iha Timor maka estraga estrutura sosial hosi povu timoroan. No transfere
sistema ida ne'ebé uza iha Java no iha aldeia sira seluk iha Indonézia, hodi
tau hamutuk ba sosiedade iha Timor-Leste", Yenni Wahid esplika.
"Komunidade timoroan sira
uluk iha ona sira nia líder tradisional sira ho lokal sira, no Indonézia troka
ona ho administrador sira hosi Java ne'ebé la entende lian, kultura", nia
refere.
Nasaun hetan beibeik abuzu sira,
ne'ebé sai hanesan "ahi boot ida ne'ebé hanesan baze ba buat hotu",
maibé insatisfasaun hosi populasaun hanesan boot tebes, hanesan "kona-ba
mudansa ida hosi estilu moris nian", nia afirma.
Eis-jornalista, ativista ho
polítika, Yenny Wahid, ne'ebé sei halo tinan 45 iha fulan-Outubru, ohin loron
hanesan lian ida hosi islaun indonéziu moderadu, lidera Wahid Institute,
organizmu ho projetu sira iha área sira hanesan demokrasia, dame ho moris di'ak
sosial nian.
Antes iha moris ida iha polítika
- lidera ona komunikasaun hosi nia aman nia Governu no agora envolve iha
kampaña ba releisaun hosi Joko Widodo ba Prezidénsia indonéziu -, Yenny Wahid
koñese ona parte seluk, nu'udar jornalista iha grupu australianu Fairfax Media.
Iha tinan 1999 halo parte hosi
ekipa ida ne'ebé manán ona prémiu ida ne'ebé koñesidu liu iha jornalizmu
australianu, Walkleys, tanba nia kobertura iha Timor-Leste.
Observador sira hosi Indonézia
hatete ona katak Yenny nia kobertura kona-ba situasaun iha Timor-Leste no, liu
duké asuntu ne'e, koversa sira iha uma, muda ona hanoin hosi nia aman ne'ebé,
hanesan maioria hosi ema indonéziu sira, la hatene detalle sira kona-ba
akontesimentu iha teritóriu.
Impaktu hanesan boot tebes hodi
Wahid - susesor Habibie nian nu'udar xefe Estadu - desidi hala'o ona vizita
Estadu ida ba Díli, iha loron 29 Fevereiru 2000, ne'ebé nia tau ona koroa ida
ai-funan nian iha Santa Cruz no hafoin ne'e, hamutuk ho Xanana Gusmão, iha
Palásiu Governu nia oin, iha Díli, husu deskulpa ba ema timoroan sira.
"Ha'u husu deskulpa ba ema
sira ne'ebé prezente ba buat hotu ne'ebé halo ona iha pasadu, ba vítima sira
Santa Cruz nian no ba sira nia família. Sira sai ona hanesan vítima sira hosi
saida maka akontese iha pasadu. Ha'u hein katak sei la akontese fali", nia
hatete.
Yenny Wahid esplika katak liu
duké kestaun Timor-Leste, asaun hosi Orde Baru Suharto nian - ne'ebé halo
perseguisaun no ameasa ba família - aumenta ona komponente pesoal ida, hamosu
vontade hodi fó koñese realidade ida ne'ebé maka barak la hatene iha Indonézia.
"Maioria hosi ema indonéziu
sira la hatene tebes kona-ba saida maka akontese iha Timor-Leste, oinsá sira
laiha ideia mínimu kona-ba saida maka akontese iha Aceh, iha Papua ka iha zona
sira seluk iha Indonézia", nia refere.
Antes akontese reforma, nia
hanoin hikas, "subar parte barak hosi asuntu sira ne'e. Media fó sai de'it
saida maka hetan kastigu hosi Governu no to'o parlamentu ne'ebé hanesan de'it karimbu
ida hosi Orde Baru, ideolojia hosi rejimi nian, no la'ós fatin ba lian hosi
aspirasaun sira ema nian".
Nia subliña katak maski ema sira
ne'ebé rona ona buat balun la entende loloos saida maka akontese hodi afirma
katak hanesan de'it "grupu ki'ik ida hosi rebelde sira ne'ebé la hatene
agradese katak simu ona ajuda hosi Governu no la rekoñese".
Bele vizita Timor-Leste nu'udar
jornalista, ko'alia diretamente ho ema timoroan sira, permiti ona "iha
hanoin foun ida, hatene di'ak liu kona-ba saida maka akontese", hatene
katak iha buat barak iha asuntu.
"Bainhira investiga liu
asuntu, ita hatene katak la'ós hanesan de'it brutalidade sira. Brutalidade sira
la'ós halo de'it hosi militar indonéziu sira maibé halo mós hosi ema timoroan
sira hasoru timoroan sira seluk", nia hatete.
Lusa | iha SAPO tl
Sem comentários:
Enviar um comentário