Pandemia COVID-19 afeta ona
sistema saúde sira iha mundu tomak ho relatu sira hosi interupsaun hosi servisu
importante sira iha kuaze nasaun barak, haktuir hosi relatóriu ida hosi
Organizasaun Mundial Saúde (OMS) ne'ebé divulga iha loron-segunda ne'e.
Kestionáriu ba elaborasaun hosi
relatóriu provizóriu haruka ona ba nasaun hamutuk 159 no simu ona resposta
hamutuk 105, ne'ebé koresponde ba 66% hosi nasaun sira.
Tuir relatóriu, 80% hosi nasaun
105 estabelese pakote sira hosi serbisu importante sira saúde nian antes
pandemia no 66% hosi nasaun sira ne'e identifika tiha ona konjuntu báziku ida
hosi serbisu sira ne'ebé maka sei mantén, maibé maski nune'e pandemia afeta ona
sistema sira saúde nian.
Iha jeral, interupsaun sira iha
servisu importante sira saúde nian relatadu ona hosi kuaze nasaun barak, liuliu
iha nasaun sira ho rendimentu ki'ik, maibé maioria hanesan parsial.
Suspensaun total hosi servisu
ambulatóriu sira ho kuidadu sira ho kaze iha komunidade relatadu iha 8% hosi
nasaun sira.
Servisu sira hosi moras sira
ne'ebé la transmisivel (DNT), hanesan ezemplu, ne'ebé OMS klasifika hanesan
importante ba parte barak hosi kondisaun krónika sira, hanesan moras kardiovaskular
sira, moras respiratóriu krónika sira, diabetes ho kankru, afetadu mós ba
liuhosi metadu hosi nasaun sira.
Diagnóstiku ho tratamentu hosi
moras sira ne'ebé la transmisivel hetan interupsaun iha 69% hosi nasaun sira,
ho 5% relata interupsaun todan sira ka kompletu.
Peskiza hosi OMS hatudu mós katak
diagnóstiku ho tratamentu hosi kankru afetadu mós iha 55% hosi nasaun sira no
informasaun hatudu katak interompe ona iha 60% hosi nasaun sira servisu
estomatolojia ho reabilitasaun.
Kuidadu paliativu sira mós hetan
interupsaun iha liuhosi metade nasaun sira (53%, inklui 6% hosi interupsaun
todan ka kompletu).
Relatóriu provizóriu kona-ba
kontinuasaun hosi servisu importante sira saúde nian durante pandemia COVID-19
iha objetivu hodi hetan vizaun dahuluk ida kona-ba impaktu iha servisu
importante sira saúde nian.
Organizasaun Mundial Saúde nian
halo ona peskiza ida ho informasaun sira ne'ebé disponibiliza hosi ministériu
sira Saúde nian hosi rejiaun lima entre Maiu ho Jullu 2020 hodi avalia impaktu
hosi pandemia no to'o servisu importante sira saúde nian hamutuk 25 iha nasaun
sira.
Tuir OMS, afeta servisu tomak,
inklui servisu importante sira ba moras transmisivel sira, moras sira ne'ebé la
transmisivel, saúde mental, reprodutivu, materna, neonatal, infantil ho
adolesente ho servisu sira nutrisaun nian.
Servisu sira emerjénsia nian
hanesan ida ne'ebé maka ladún interompidu, maski iha nasaun hamutuk 16 maka
hato'o relatu interupsaun nian.
Plataforma sira hosi prestasaun
servisu ne'ebé maka afetadu maka'as maka servisu móvel sira, dalabarak governu
sira suspende, ho kampaña sira hanesan ezemplu ne'ebé maka uza ba prevensaun
hosi malária ka imunizasaun.
Liuhosi metade hosi nasaun sira
iha polítika sira ne'ebé afeta oituan ka total hosi servisu ambulatóriu sira
(61%), kuidadu sira ne'ebé bazeia iha komunidade (54%), servisu hospitalar sira
(53%) ho klínika móvel sira (47%).
Servisu sira atendimentu
emerjénsia pre-hospitalar ho servisu sira hosi unidade emerjénsia nian afetadu
iha minoria ida hosi nasaun sira (ida-idak ho 12% ho 8%).
Distribuisaun hosi interupsaun
sira servisu nian iha sub-rejiaun sira hosi OMS akontese la hanesan, iha
informasaun ho frekuénsia maka'as liu iha nasaun sira ho rendimentu ki'ik,
maski diseminasaun hanesan maka'as. Bainhira nasaun ki'ik ida iha liu kbiit
ekonómiku hanesan proporsaun medianu hosi servisu sira ne'ebé hetan
interupsaun.
Rejiaun Mediteráneu Oriental
hanesan ida ne'ebé maka afetadu liu, tuir rejiaun sira hosi Áfrika ho Sudeste
Aziátiku. Servisu sira importante nian iha saúde iha nasaun sira Europa ho
rejiaun sira hosi Pasífiku Osidental hanesan rejiaun sira ne'ebé ladún afetadu.
Tuir OMS, rekolla hosi
informasaun sira iha Amérika-Súl ho Amérika-Norte sei halo iha loron posterior.
Ba Organizasaun Mundial Saúde,
impaktu hosi pandemia iha servisu sira importante iha saúde hanesan fonte ida
hosi preokupasaun boot ida hodi konsidera kolapsu hosi servisu importante sira
saúde nian - inklui promosaun saúde nian, servisu preventivu sira, diagnóstiku,
tratamentu ho serbisu sira reabilitasaun nian ho paliativu sira - karik sei iha
efeitu todan sira ne'ebé la favorável ba saúde, liuliu iha populasaun sira
ne'ebé fraku liu, hanesan labarik sira, ema katuas-ferik sira, ema sira ne'ebé
hela ho moras krónika sira ka defisiénsia sira ho grupu minoritáriu sira.
Relatóriu provizóriu hatudu mós
katak 55% de'it hosi nasaun hamutuk 105 aloka ona finansiamentu governamental
adisional hodi garanti servisu importante sira saúde nian. Resposta ne'e
hanesan baibain iha nasaun sira ho kbiit ekonómiku médiu aas ka aas (70% iha
grupu rua) duké iha nasaun sira ho renda ki'ik médiu ka média ki'ik (ida-idak ho
41% ho 42%).
Pandemia COVID-19 halo ona
pelumenus ema na'in 847.071 mate no infeta one ema millaun 25,2 resin iha
nasaun ho teritóriu hamutuk 196, haktuir balansu ida ne'ebé halo hosi ajénsia
franseza AFP.
Iha Portugal, mate ona ema na'in
1.822 hosi ema na'in 58.012 ne'ebé maka konfirmadu hanesan infetadu, haktuir
hosi boletin foun hosi Diresaun-Jeral Saúde portugeza nian.
Moras ne'e transmiti hosi
koronavírus foun ida ne'ebé hetan iha Wuhan, sidade ida iha sentru Xina nian,
iha final Dezembru.
Hafoin Europa troka tiha Xina
hanesan sentru pandemia nian iha Fevereiru, agora kontinente amerikanu maka iha
liu kazu konfirmadu sira ho vítima mortal maka'as.
Sapo TL | Lusa
Sem comentários:
Enviar um comentário