Governu hakarak harii empreza
estatal ida, hanesan ho petrolífera Timor Gap, ba mineiru sira, no autoridade
espesífiku ida ne'ebé permiti regulamenta ho di'ak área, hatete hosi ministru
tutela ba Lusa.
"Tenki iha empreza estatal
ida hanesan Timor Gap. Sei iha diskusaun hosi kódigu mineiru iha espesialidade
no klare sei pasa", hatete hosi Victor Soares iha entrevista ba Lusa.
"Maibé hafoin ne'e ami tenki
elabora regulamentu sira ho estabelese autoridade espesífiku ida ba área
mineiru sira", nia refere.
Agora daudaun, responsabilidade
regulatóriu kaer hosi Autoridade Nasional Petróleu ho Mineral (ANPM) ne'ebé,
tuir Victor Soares, sei fahe iha rua hodi nune'e entidade foun "bele halo
regulamentu espesífiku liu ba atividade mineira tomak".
Governante garanti katak
"empreza oioin lokal ho internasional sira hatudu ona intensaun hodi
investe iha área ne'e" no tanba ne'e tenki hakotu regulamentasaun tomak
ne'ebé presiza.
Kaer kargu iha fulan rua nia
laran no iha hanoin hodi hala'o vokasaun ne'e, Soares halo ona restruturasaun
maka'as ida iha lideransa hosi instituisaun oioin ne'ebé atua iha área
petróleu, ho mudansa sira iha komando petrolíferu nian, Timor Gap, hosi
Autoridade Nasional ba Petróleu ho Mineral (ANPM) ho Institutu Petróleu ho
Jeolojia (IPG) nian.
Elementu sentral ida hosi serbisu
iha área maka futuru Kódigu Mineiru, ne'ebé aprova iha final fulan-Jullu iha
jeneralidade iha Parlamentu, no agora sei analiza iha espesialidade, karik ho
apoiu hosi tékniku espesializadu sira.
Prepara ona durante tinan barak,
kódigu hamosu diferensa maka'as hosi opiniaun entre partidu sira,
interpretasaun sira hanesan oinsá maka tenki jere setor, kestaun kona-ba
lisensa ambiental sira no to'o kona-ba kria ka la'e empreza públika ida ba
área.
Proposta dahuluk ne'ebé aprezenta
ba Parlamentu la vale ona tanba final hosi lejislatura - Timor-Leste iha
eleisaun lejislativu iha 2017 no antesipadu iha tinan 2018, versaun ne'ebé
aprovadu iha jeneralidade aprezenta iha Jullu 2019, asina hosi deputadu sira
hosi Congresso Nacional da Reconstrução Timorense (CNRT), hosi Partidu
Libertasaun Popular (PLP) ho Kmanek Haburas Unidade Nacional Timor Oan (KHUNTO)
– ne'ebé integra koligasaun anterior Governu nian - no mós hosi Partidu
Demokrátiku (PD).
Iha área, projetu ida hosi
projetu sira ne'ebé maka arasta ona iha tinan barak nia laran maka projetu hosi
unidade produsaun simentu nian iha Baucau, TL Cement, ne'ebé iha beibeik avansu
ho rekua no ne'ebé maka besik hotu ona prazu valénsia nian hosi 'depózitu' ida
hosi dolar millaun 50, hosi Governu, hanesan parseiru iha projetu.
Victor Soares esplika katak iha
nafatin kontaktu sira ho empreza maibé fundu sira ne'ebé Governu investe ona
presiza atu empreza "kontribui ho nia kapital".
Iha mós projetu ida ne'ebé hala'o
nafatin mós, iha área petróleu 'onshore', hosi empreza Timor Resources, iha
zona súl nasaun nian.
"Ami hamutuk ona ho
reprezentante timoroan sira, ami halo ona vídeo-konferénsia ida ho CEO
[diretora ezekutiva] ho diálogu hanesan pozitivu tebes. Sira iha interese hodi
investe nafatin ho husu apoiu polítiku, hosi ANMP ho Timor Gap hodi nune'e bele
kontinua", nia refere.
Iha nível jeral sira, Victor
Soares sustenta katak Timor-Leste iha situasaun "di'ak", ho Governu
ida "hala'o hela funsionamentu no parlamentu ida ho maioria maka'as"
no katak viabilidade iha garantia.
"Investidor sira ho ami nia
parseiru sira labele iha tauk ho dúvida ho deskonfiansa sira tanba Timor di'ak
hela no ami serbisu to'o hakotu ami nia mandatu. Ha'u fó korajen nafatin ba ema
hotu no tenki konfia iha Governu ne'e", nia hatete.
"Tenki fiar katak Timor iha
dalan loos", nia afirma.
Sapo TL | Lusa
Sem comentários:
Enviar um comentário