Iha loron-segunda ne'e,
Prezidente Repúblika rona Konsellu Estadu ho Konsellu Superior Defeza ho
Seguransa ho Konsellu Estadu kona-ba pedidu Governu nian hodi renova estadu
emerjénsia tanba COVID-19.
Reuniaun sira hanesan importante
antes Francisco Guterres Lu-Olo desidi atu husu ka la'e autorizasaun ba
Parlamentu Nasional hodi renova períudu estraordináriu ne'ebé, bainhira avansa,
sei sai hanesan períudu dalima durante loron 30 dezde hahú pandemia.
Governu desidi ona, iha semana
liubá, hodi hato'o renovasaun estadu estraordináriu, "ho baze hosi
evolusaun preokupante hosi situasaun epidemiolójiku ho propagasaun hosi kazu
sira ne'ebé rejista hosi kontájiu COVID-19 nian, iha nível rejional no mós iha
nível mundial, no hodi evita ho neutraliza risku propagasaun sira hosi
SARS-CoV-2, proteje nune'e saúde públika ho kapasidade resposta hosi Sistema
Nasional Saúde nian".
Governu hakarak atu aplika estadu
emerjénsia hodi permiti "suspensaun ka limitasaun hosi direitu sira
sirkulasaun internasional nian, sirkulasaun ho fiksasaun hosi rezidénsia ho
rezisténsia nian".
Iha prátika, hanesan mantén
limitasaun sira ne'ebé hala'o daudaun iha nasaun durante períudu estraordináriu
ne'ebé sei hotu ofisialmente iha loron-sesta.
Maski iha interupsaun, Parlamentu
Nasional sei debate asuntu ne'e iha Komisaun Permanente ne'ebé bele fó
autorizasaun, no ne'e ikusmai tenki konfirma hosi plenáriu estraordináriu ida.
Limitasaun sira kontinua
kondisiona maka'as motivasaun sira hosi no ba illa, ho autoridade sira aviasaun
nian mantén lahó tempu definidu bandu hala'o semo komersial regular sira ka
'charter sira'.
Agora daudaun, halo de'it
operasaun semo hosi Austrália, luiuhosi akordu ida ho AirNorth - hanesan
limitadu de'it ba sidadaun australianu sira - no semo kinzenal ida hosi
Programa Alimentar Mundial (PAM) ho asesu limitadu ba funsionáriu sira hosi
embaixada sira ho misaun internasional sira, kolaborador sira ho membru sira
hosi ajénsia sira ONU nian.
Situasaun ida ne'ebé halo la imposível
ba sidadaun sira seluk, ema timoroan sira ho mós estranjeiru sira, hodi tama ka
sai hosi nasaun ne'ebé pratikamente izoladu dezde Marsu.
Rezidente sira iha Timor-Leste la
konsege fila, ema timoroan sira no ema sira seluk ne'ebé presiza atu sai, inklui
hodi simu tratamentu médiku sira, turista sira ne'ebé iha hela nasaun laran iha
fulan hirak ne'e nia laran, ho ema sira seluk, seidauk iha solusaun.
Timor-Leste laiha kazu ativu sira
entre loron 15 Maiu ho 04 Agostu, no hahú hosi loron ne'ebá maka konfirma
infesaun ida ne'ebé rekupera tiha ona hafoin loron 14.
Iha loron 20 Agostu, autoridade
sira konfirma kazu foun ida no liutiha loron neen konfirma kazu seluk ida,
aumenta nune'e númeru total ba na'in 27 hosi ema infetadu sira iha Timor-Leste
dezde hahú pandemia, na'in 25 rekupera tiha ona.
Agora daudaun iha ema na'in 372
ne'ebé maka iha kuarentena iha instalasaun sira Governu nian no na'in 148 iha
auto kuarentena, inklui iha hotel sira ne'ebé aprovadu hosi Ministériu Saúde.
To'o agora, Timor-Leste halo ona
teste hamutuk 5761, ema na'in 3511 hein hela rezultadu sira.
Sapo TL | Lusa
Sem comentários:
Enviar um comentário