DILI, STLNEWS.co -- Governu seidauk rekonese Martires hamutuk 84, neebe mate iha Masakre Bob-Ufe, iha loron 8-9 Setembru tinan 1999.
Maski ohin loron, governu seidauk rekonese Martires 84, maibe familia vitima kada tinan kontinua soe osan hamutuk, hodi selebra no hanoin hikas Martires sira nia luta ba rai doben Timor Leste.
Prezidente Komite Masakre Bob-Ufe Tumin, Batista dos Santos Elo hatete, cerimonia ohin kalan (9 Setembru 2020) hanesan ema hotu hatene katak, atu hanoin hikas Mártires neebe mate iha loron 8-9 Setembru tinan 1999 funu ba libertasaun nasional ihaku Postu Administrativu Oe-Silo, Munisipiu Rejiaun Administrativu Espesial Oe-Cusse Ambeno (RAEOA), hamutuk ema nain 84, tanba too agora governu seidauk toma responsabilidade ba Martires sira nee.
“Komemora loron Masakre Bob-Ufe Tumin katak, ita relembra ita-nia Martires sira neebe mate iha tinan 21 liu ba, neebe ita nia aman, ita nia maun, amigus sira hamutuk ema nain 84 neebe mak sakrifika sira nia nia aan, ba luta libertas rai doben Timor Leste, ”hatete Batista ba jornalista sira, liu husi diskursu, iha Bidau Lesidere, Dili, Kuarta (09/09/2020).
Nia hatutan, luta ba ukun rasik aan husik hela fitar barak ba povu maubere no Atoni oan sira, nia isin nenhum neon laran husi Loro Sae também Loro Monu, hafutar ruína no run herois barak sakrifika sira nia aan hodi defende rai doben Timor Lorosae. Prosesu luta ba ukun rasik aan dura demasiado tinan 24 hatudu katak, nee defisil tebes povu Timorense atu hetan direitu, liberdade no vitoria independensia.
Hatutan Pajina 2
Imajen: Governu seidauk rekonese Martires hamutuk 84, neebe mate iha Masakre Bob-Ufe, iha loron 8-9 Setembru tinan 1999. (Foto: STL News / Blandina Mauno)
Sem comentários:
Enviar um comentário