Governu tenki aselera medida sira
rekuperasaun ekonómiku nian, ne'ebé eziji aprovasaun hosi orsamentu sira Estadu
nian ba 2020 ho 2021, buka asegura "nível aas sira ezekusaun nian"
hosi konta públika nian, defende hosi Prezidente iha loron-tersa ne'e.
"Importante agora maka ita
pasa ba implementasaun hosi medida sira ne'ebé hato'o. Tenki asegura nível aas
sira hosi ezekusaun hodi nune'e iha aumentu ekonómiku ida no, ikusmai, hadi'a
kondisaun moris hosi ita nia sidadaun sira", afirma hosi Francisco
Guterres Lu-Olo.
"Adversidade bele konstitui
estímulu ida hodi nune'e ita hahú dalan foun hodi atua. Ita senti kleur ona
nesesidade hodi diversifika ita nia ekonomia. Bainhira adiviña siklu sira
pandemia nian, ka pandemia frekuente, tenki hanoin fali dalan foun sira servisu
nian ho dalan foun sira hodi organiza ekonomia ho sosiedade", nia destaka.
Francisco Guterres Lu-Olo ko'alia
iha Parlamentu Nasional iha abertura hosi sesaun lejislativa datoluk hosi
lejislatura dalima ne'ebé nia inísiu hahú ho prosesu orsamentar konsekutivu
rua.
Ezekutivu aprova ona Planu
Rekuperasaun Ekonómiku ida, ho medida sira intervensaun ne'ebé tenki aplika
lalais iha tinan ne'e nia laran, liuhosi Orsamentu Jeral Estadu (OJE) 2020 nian
no seluk tan, iha prazu médiu ho prazu naruk, hahú hosi 2021.
Lu-Olo hatete katak instrumentu
sira "ne'ebé bele garanti atu servisu importante sira hosi saúde bele
disponível, ajuda ema sira hodi hasoru ho krizi sira, proteje empregu sira ho
rendimentu sira hosi ema sira no empreza sira hasoru impaktu hosi krizi
ekonómiku ho sosial ne'ebé maka COVID-19 hamosu".
"Iha espíritu misaun nian
ne'ebé halo Governu ne'e hanesan viabilizadu, ha'u hakarak subliña katak
esforsu boot ne'ebé agora eziji hosi Governu, no atu Planu Rekuperasaun
Ekonómiku hafoin COVID-19 iha valor ho efikaz, maka saida maka sei mosu
mai", nia konsidera.
"Sei eziji ritmu servisu ida
ne'ebé maka'as ho efikásia maka'as. Dalan ne'e hanesan importante ba atuasaun
hosi Governu ne'e to'o mandatu nia rohan", nia hatete mós.
Konsidera krizi COVID-19
"oportunidade ida hodi reforsa sistema sira reziliénsia nian", ne'ebé
presiza investimentu, Lu-Olo hatete katak planu sei ajuda "ativa fali
ekonomia nasional, trava lakon empregu sira ho rendimentu sira, hadi'a frakeza
estrutural ho inkapasidade hosi parte produtivu nasional ho hamosu empregu
produtivu sira ho nível produtividade ne'ebé hamosu rendimentu satisfatóriu
sira".
Ba deputadu sira, xefe Estadu
husu ajilidade ho debate ida "krítiku, franku, honestu, responsável ho
konstrutivu" kona-ba proposta orsamental sira, ne'ebé "reflete,
reprezenta no sai hanesan resposta hosi nesesidade sira ho aspirasaun sira"
hosi populasaun.
Iha nível jeral, Prezidente
destaka ona oportunidade hodi diversifika ekonomia nasional, buka hametin
"jestaun rasional" hosi Fundu Petrolífer ne'ebé "garanti nia
sustentabilidade ho kapasidade hodi hasoru mundu ida ne'ebé iha inserteza maka'as".
"Agresaun sira ne'ebé halo
tanba eskolla polítika sira ho baze iha modelu ida dezenvolvimentu nian ne'ebé
ultrapasadu ne'ebé iha baze hosi mudansa klimátiku maka'as ne'ebé bele iha
ligasaun ba moras foun sira ne'ebé mosu neineik iha parte tomak iha
mundu", nia konsidera.
Fó ezemplu ba krizi sira hosi
"petroestadu oioin", Lu-Olo hatete katak Timor-Leste tenki
"hasai lisaun di'ak sira" hodi evita inserteza iha futuru.
"Sai hanesan relevante ho
urjente atu diversifika ekonomia ho kria servisu sira", nia defende.
Sapo tl | Lusa
Sem comentários:
Enviar um comentário