Iha loron-tersa ne'e, bankada
hosi partidu daruak, CNRT, husik sesaun solene ba abertura sesaun lejislativu
foun iha Parlamentu Nasional, hanesan protestu tanba televizaun públika la
transmiti parte hosi nia intervensaun.
"Ami sai tanba minutu lima
dahuluk hosi intervensaun bankada nian la transmiti hosi RTTL. Sira hatete
katak iha korte enerjia ida", afirma hosi deputadu hosi Congresso Nacional
da Reconstrução Timorense (CNRT), Adérito Hugo da Costa, ba Lusa.
"Hanesan tentativa ida hodi
halo CNRT nonook, modelu ida hosi governasaun ditadura nian", nia akuza.
Maski diskursu transmiti tomak
hosi rádiu Parlamentu Nasional nian, sinal hosi Rádiu ho Televizaun Timor-Leste
(RTTL) nian, ne'ebé transmiti hela diretamente hosi Parlamentu, hetan
interupsaun iha parte dahuluk hosi diskursu hosi deputadu Patrocínio Fernandes
dos Reis.
Bainhira deputadu ko'alia hotu,
durante faze intervensaun sira hosi bankada parlamentar sira, membru sira seluk
hosi partidu ne'ebé lidera hosi Xanana Gusmão hamriik no husik sesaun plenáriu
iha loron-tersa ne'e, ne'ebé hetan prezensa hosi Prezidente timoroan, Francisco
Guterres Lu-Olo.
Deputadu hato'o diskursu ida
kona-ba situasaun polítika iha nasuan no ne'ebé maka akontese iha tinan hirak
ikus ne'e, repete fali krítika sira hasoru Lu-Olo tanba la fó pose ba membru
sira CNRT nian iha Governu daualuk no tanba rekuza ikusmai koligasaun foun
ne'ebé lidera hosi líder partidáriu ho antigu Prezidente Repúblika no mós
antigu primeiru-ministru Xanana Gusmão.
Husik mós krítika sira hasoru
prosesu eleisaun hosi prezidente atual Parlamentu Nasional nian, iha sesaun ida
ne'ebé marka ho insidente sira ne'ebé nunka akontese iha asembleia, ho agresaun
sira entre deputadu sira, hamonu meza sira, hakilar, dudu malu ho intervensaun hosi
ajente polísia sira.
Refere ba risku hosi
"ditadura ida hosi partidu úniku", deputadu kritika ona saida maka
nia hatete hanesan "asaun" ida hosi 'buldoze' ne'ebé maka akontese
iha Ministériu sira, ho limpeza hasoru funsionáriu kontratadu sira, lahó teste
liuhosi méritu".
Patrocínio dos Reis konsidera mós
katak halo ona tentativa ida hodi muda sistema semiprezidensial, iha nasaun, ba
"sistema prezidensial" ida.
Sapo TL | Lusa
Sem comentários:
Enviar um comentário