Laiha Ejijensia Publiku, Kartaun Eleitoral Mauk Moruk La Verifika

DILI - Sekertariadu Tekniku Administrasaun Eletoral (STAE) too oras nee seidauk Verifika kartaun eleitoral Prezidente Konseillu Revolusionariu Maubere (KRM) Paulino Gama Alias Mauk Moruk, tamba Laiha Ejijensia ofisial husi Institusaun Relevente inkliu Publiku.

Tuir Direitur Jeral STAE Acilino Manuel Branco katak konaba Mauk Moruk iha kartaun ka lae?  Ida nee husi STAE la hatene, maibee se nia iha nee kleur ona tamba aktu eletoral nebee sira organiza klaru katak nia hanesan ema Timor oan, tenki iha direitu no ezerse nia direitu iha prosesu sira neebe iha.

Maibee Ita atu verifika ema nia dadaus, tenki iha ejijensia ruma, bazeia ba ejijensia mai husi proposta ofisial, ita bele verifika se ema ruma iha dadaus rezistu iha sistema baze dadaus ka lae. Maibee iha elisaun, sira tenki imprime lista votantes, se maka rezistu ona nia naran tenki iha baze de dadus,” hateten Acilino.

Nia hatutan sira la identifika ema sira mai atualiza, nune mos resensa iha STAE nee husi grupu ka parte neebe, maibee iha prosesu sira neebe sira loke, iha deklarasaun sira neebe sira hatoo, katak sira hetan cek point husi parte siguransa husu sira nia kartaun eletoral. Informasaun kompletu iha STL Jornal no STL Web, edisaun Sesta (24/4/2015). Joao Anibal/ Timotio Gusmao

Suara Timor Lorosae