Membru Mauk Moruk Koboy Entrega Aan iha Komando Operasaun Hanita

Dili, Radio Online, Mauk Moruk nia membru ho naran Koboy entrega aan ona iha Komando Operasaun horikalan ho kondisaun moras, dehan Vice- Chefe Estadu Maior Jeneral das F-FDTL,  Brigadeiro Jeneral Filomeno Paixao de Jesus, ba jornalista sira liu husi konferensia imprensa ne’ebe halao iha Tersa, 21/4/2015, iha Kuartel Jeral Fatuhada, Dili.

Brigadeiro Jeneral Filomeno Paixao esplika katak, “loos duni Mauk Moruk nia membru naran Koboy entrega an no kaptura,  tamba nia presionadus forsa rua, F-FDTL no PNTL, ho acerku, operasoens revista, operasoens de persegisaun, halo nia mos sente ladiak hodi entrega an deit”.

“Membru Konselho Revolusionariu Maubere (KRM) Koboy entrega aan ho kondiasaun moras, nia lori ho Pistola PNTL nia 1, karegador 1”, dehan Filomeno.

Filomeno afirma liu tan katak, “dadaun Mauk Moruk nia membru ho naran Koboy ne’ebe entrega an sei halo hela tratamentu iha Hospital Referal Baukau, tamba kondisaun nia moras, akompanhado husi Ministeriu Publiku no nia defensor”, informa Paixao.

Fatima Afonso – Rádio Liberdade Dili