JULGAMENTU JOAO CANCIO, JUIS NASIONAL MAK TESI

DILI - Julgamentu foun ba kazu eis Minstru Educasaun Joao Cançio sei la involve tan juis internaisonal no prokurador internasional, maibe sei preside totalmente husi juis nasional sira.

Neebe antes nee iha julgamentu tuan involve mos juis internasional Julio Gantes ho prokuradora Gloria Alves. Maibe agora tama ba iha julgamentu foun sei involve deit juis nasional sira. Tanba juis internasional sira fila ona ba Portugal, relasional ho rejolusaun neebe mak governu haruka fila juis no prokurador internasional sira.

Tuir Administrador Tribunal Distrital Dili, Duarte Tilman hatete, julgamentu foun ba kazu eis ministru educasaun Joao Cançio sei halao iha fulan maio nia laran, neebe oras nee dadaun seiiha prosesu distribuisaun nia laran. Maibe iha Maio nia laran tribunal sei halao fali julgamentu foun ba eis membru governu Joao Cançio nian.

Iha fatin hanesan Xefi secsaun krime II Juliao da Cruz hatete, julgamentu foun ba kazu ies ministru educasaun Joao Cançio sei halao iha loron neebe mak tribunal marka ona mak iha loron 4 fulan Maio tuku 9:30 dader. Iha julgamentu nee sei preside husi juis nasional sira deit.

Julgamentu ba kazu krime partisipasaun ekonomio negosio neebe involve arguido Joao Cançio Freitas ho Tarsilio do Carmo neebe halakon osan estadu 2 miloens dolar ba projetu TV educasaun iha 2009. Informasaun kompletu iha STL jornal no STL Web, edisaun Kinta (23/4/2015). Domingas Gomes

Suara Timor Lorosae