Operasaun Hanita Ba Grupu Mauk Moruk Remata Aban, PN Husu Operasaun tenke Kontinua

DILI - Operasaun HANITA nebe halo husi Falintil forsa Defeza Timor Leste (F-FDTL) ho Polisia Nasional Timor Leste (PNTL), ba Paulino Gama (Mauk Moruk) ho nia grupo durante fulan ida nia laran, hahu hosi loron 21 Marsu 2015 sei remata aban loron 21 Abril 2015, no operasaun nee gasta osan Millao 2 maibe laiha Resultadu, tan nee Parlamentu husu Operasaun nee tenke kontinua.

Reprezentante povu husu ba sidadun hotu atu labele preokupa ho osan milliaun rua nebe aloka ba operasaun konjunta, tamba atu garante establidade iha rai laran, maka labele hare ba osan, maibe tenke hasai duni osan.

Hau hanoin grupu Mauk Moruk nee ema ituan deit maka iha laran, maibe iha interese balun nebe hakarak estraga Nasaun nee, maka defisik ema atu kaer sira, tamba grupu sira nee fasilita hosi ita nia komnidade sira, intelektual balun no emprejariu sira balun maka operasaun HANITA nee defisil atu kaer ema sira nee, tamba grupu sira nee hamlaha no hamrok Pozisaun laos atu liberta povu ida nee,” informa Deputadu Cesar Valente ba STL, Segunda (20/04/2015) iha nia knaar fatin PN.

Iha fatin hanesan Deputadu Manuel Gaspar hatutan, operasaun konjunta nee aban halo ona fulan ida, tamba nee husu governu atu prolonga tan too kaer grupu kriminoju sira nee, karik la kontinua maka signifika katak, governu estraga osan deit ba operasaun konjunta nee. Informasaun kompletu iha STL Jornal no STL Web, edisaun Tersa (21/4/2015). Madalena Horta

Suara Timor Lorosae