Deklarasaun Xanana La Influensia Tribunal Foti Desizaun ba Calisto

DILI - Deklarasaun Eis Primeiru Ministru Kay Rala Xanana Gusmao iha tribunal, konfesa katak nia mak sai arguidu ba kazu nee, la influensia tribunal atu foti desizaun ba arguidu Calisto Gonzaga ba krime abuzu poder no naun partisipasaun.

Tuir autor Tribunal Distrital Dili katak, deklarasaun eis Primeiru Ministru Kay Rala Xanana Gusmao neebe dehan nia mak sai arguidu ba kazu nee, no Calisto halo deit ordem. Deklarasaun nee la signifika atu fo tendensia ba tribunal foti desizaun, maibe livre hodi foti desizaun baseia ba avaliasaun provas nian hahu husi investigasaun too iha tribunal.

Tuir nia, lei sira neebe iha ona labele ignora fali. Maibe nia fiar katak eis PM Xanana rasik la ignora lei sira nee, tanba nia iha hanoin diak. Buat neebe importante iha nia deklarasaun mak interese kooperasaun nasaun nian, maibe labele ignora mos regra neebe mak iha ona.

Kona ba sasin Xanana husu juis proesu nia naran, no tribunal mos halo tuir hodi resposta deit maske iha lei la valoriza. Maibe tanba durante iha julgamentu laran sasin bolu juis ho deit presidenti no dotor mak, kumplikadu oituan ba tribunal atu esplika ba sasin. Neemak tribunal mos temi deit naran ba eis PM Xanana. Informasaun kompletu iha STL Jornal no STL Web, edisaun Tersa (7/7/2015). Domingas Gomes

Suara Timor Lorosae