L-7 konsidera Governu Laiha Kapasidade Rejolve Problema Rai Laran, Povu Inosente Kontinua Sai Vitima

DILI - Cornelio Gama L-7 Konsideira Governu laiha kapasidade atu rejolve problema rai laran, tan nee liu hosi operasaun Konjunta neebe halo hosi F-FDTL ho PNTL, halo agregasaun fiziku hasoru komunidade Inosente hanesan Luis Ramos neebe sira tiru mate iha fin de semana nee.

Tuir Cornelio Gama L-7 katak KOK dehan la halo violasaun hasoru komunidade sira iha baje, maibe realidade sira halo hasoru Luis Ramos neebe maka durante nee sai ona matadalan ba sira, no ikus mai sira tiru mate, ida nee hatudu katak KOK halo violasaun hasoru komunidade inosente sira hodi hamate povu kik sira iha rai doben ida nee.

Ita hare Governu laiha kapasidade atu rejolve problema sira nee, tamba iha Permeiru Governu mos mosu problema, segundu Governu neebe lidera hosi Ramos Horta, mosu problema  no Taur Matan Ruak lidera mosu nafatin Problema, nee signifika laiha kapasidade rejolve problema,” dehan L-7 ba STL Segunda (06/07/2015) iha nia knar fatin Bidau Mota Klaran.

Nia informa liu tan katak, Lolos nee forsa sira labele hatudu hahalok aat hanesan no forsa labele liman kroat nia povu, tamba nia luta maka ohin loron forsa sira hatais farda, tan nee husu atu evita Violasaun hasoru komunidade sira iha baje.

Iha parte seluk Diretur Ezekutivu Yayasan HAK Manuel Monteiro, husu ba Parlamentu Nasional neebe hanesan orgaun de Estadu, neebe hola parte ba fiskalizasaun atu forma komisaun inkeritu ou komisaun investigasaun, hodi halo investigasaun ba aktu krime neebe maka  membru Operasaun konjunta nee halo. Informasaun kompletu iha STL Jornal no STL Web, edisaun Tersa (7/7/2015). Madalena Horta

Suara Timor Lorosae