SEPFOPE ABERTURA FORMASAUN PRODUSAUN TIZOLU KESI

Sekretario Estado Politika Formasaun e Empregu (SEPFOPE), Kuarta (22/07/2015), halo abertura formasaun ba produsaun Tizolu kesi iha Centru Formasaun Senai, Bekora, Dili.

Hafoin halo tiha lansamentu, Sekretario Estado Politika Formasaun e Empregu, Elidio Ximenes, hateten katak, formasaun ne’e halai liu ba oinsa atu fasilita joventude sira atu produs tizolu kesi.

“Formasaun ida ne’e halo halai liu ba oinsa mak atu halo produsaun ba Tizolu Kesi, entaun makina ne’ebe mak durante ne’e Governu oferese ba ita nia grupu sira hamutuk 8o rsin makina, agora dadauk balun komesa fahe ona hela deit 54, entaun sira ne’ebe mak formasaun ba Tizolu Kesi ne’e husi Centru Formasaun Tobar, Bekora, DIT Baucau no mos Grupu ida iha Bekora, mais graduadu ona no agora sira iha Liquidoe,” informa Elidio Ximenes ba Jornalista sira.

Makina sira ne’ebe mak iha sei fo treinamentu fali antes atu utiliza makina hirak ne’e, tanba atu fo makina ba ema ida ema ne’e mos tenke hatene uluk utiliza.

Nia haktuir tan, treinamentu hala’o durante semana ida iha Centru Formasaun SENAI, Bekora, Dili, depois iha treinamentu sei iha sistema nafatin halo monitorizasaun ba grupu sira ne’ebe mak simu ona treinamentu no makina atu hare fali ninia kualidade, tanba formasaun hotu persija mos hare makina no produsaun Tizolu kesi ne’e ninia kualidade mos inportante para atu halo uma ida.

Formasaun ne’e foin mak primeira vez hala’o, ne’ebe hala’o hotu sei ba fali iha Municipiu no Postu administrativo sira ne’ebe mak SEPFOPE nia makina fob a grupu sira ne’ebe mak atu produs tizolu.

“Produsaun Tizolu sei hodi ba halo uma, maibe atu halo uma ne’e depende, maibe bele liu husi Governu hodi bele halo uma Lima, hanesan iha tinan kotuku ma lima iha Municipiu Aileu uja Tizolu Rai mean, agora dadauk uma 72 ne’ebe mak halo konstrusaun iha Suai uja tizolu Rai Mutin, depois uma 15 tan iha Suia ADN fo ba grupu CHL halo tan mos uja tizolu rai mutin, tempu besik SEPFOPE hamutuk ho Ministeriu Interior halo postu trazitu Dili laran uja mos Tizolu,” dehan Elidio.

SEPFOPE foti inisiativa hodi halo Postu Tranzito iha Kapital Dili ho Tizolu, tanba ita iha rai mean no muti, Potensialidade natureza ne’e Timor-Leste iha, maibe ita depende fali ba semente ne’ebe mak mai husi rai liur, entaun signfiika katak ita halo produsaun ho Tizolu ninia lojikamente mak redus dependensia ba semente, nune’e mos hanorin Jovemtude sir abele uja tizolu rai mean ne’ebe mak iha bele fa’an entaun ita kria ona kampu de trabalho ba jovemtude sira.

Iha fatin hanesan, formandos Centru Formasaun DIT, Plasido do Rosario sente kontente tebes tuir formasaun ne’e, tanba bele aumenta tan ninia esperinsia.

“Hau sente kontente tebes partisipa formasaun ne’e, tanba liu husi formasaun ne’e bele aumenta tan hau nia kapasidade oinsa atu halo tizolu, nune’e mos oinsa ita atu uja tizolu hodi halo uma ida,” dehan Formando ne’e.

Seremonia abertura ne’e hetan partipasaun masimu husi formandos no mos formadores sira, seremonia abertura ne’e dereitamente loke husi SEPFOPE, Elidio Ximenes akompanha mos husi Xefi Gabinete SEPFOPE, Benigno H. G. da Cruz no mos Direktur Centru Formasaun Senai rasik. mia

Jornal Nacional