Redus Pensaun Vitalisia, PN Tenke Hatudu Ezemplu Diak

LAUTEM - Prezidente Repúblika (PR), Taur Matan Ruak hateten hanesan xefe estadu sei husu bei-beik ba Parlamentu Nasional (PN) hodi muda lei pensaun vitalisia, tanba Parlamentu  tenki sai ezemplu laos tanba osan atu sai atan.

Xefe estadu hateten iha fati-fatin komunidade sira ejiji komprimisiu hodi halo revizaun ba lei pensaun vitalisia, maibe too oras ne’e seidauk muda tanba atu muda lei pensaun vitalisia kompetensia Parlamentu Nasional nian.

Ita nia Parlamentu nasional partido hat  iha neeba aseita atu  muda no Prezidente husu bei-beik sira muda lei, laos tanba 1000 dollar mak sira sai atan tiha, diak liu sira sai ezemplu diak hotu hatun Pensaun Vitalisia,” dehan Taur wainhira halo dialogu ho komunidade iha suku Pairara, postu administrativu Lautem, municipio Lautem, Kinta, (23/07/2017).

Taur Hatete sei husu bei-beik ba Parlamentu Nasional hodi muda lei pensaun vitalisia tanba nee povu hein iha tinan oin mai Parlamentu Nasioal bele muda lei nee.

Liu husi sesaun husu no hatan durante dialogu povu suku Pairara Marcelo da Silva ejiji komprimisiu xefe estadu nian iha tempo kampania wainhira kandidata-an ba Prezidente iha eleisaun Prezidensial 2012 katak atu muda lei pensaun vitalisia maibe to’o oras ne’e seidauk realija komprimisio ne’ebé PR Taur hato’o. Informasaun kompletu iha STL Jornal no STL Web, edisaun Sesta (24/7/2015). Timotio Gusmao

Suara Timor Lorosae