DILI
– Maske Tribunal Distrital Dili fo ona karta notifikasaun ba Parlamentu
Nasional (PN), hodi hasai imunidade ba Prezidente PN Vicente Guterres maibe too
oras nee seidauk iha solusaun.
Tuir
Eis Vise Primeiru Ministru tempo governasaun AMP, Mario Viegas Carascalao, ba
STL iha Hotel Timor Kinta (23/07) katak, nia la tauk ba hatan iha tribunal
karik nia mak iha Vicente nia fatin.
Se
mak komete krime wainhira hetan karta hosi tribunal tenke responde se ohin
tempo laiha enatun aban sekarik hau mak iha neeba (Prezidente PN) wainhira ema
akuza hau halo sala hau rasik mak ba hatan iha tribunal hodi hamos hau nia
naran, tanba hau la halo maibe hau la hatene nee ida-ida nian, tanba izemplu
hanesan kazu Eis Vise Primeiru Ministru Jose Luis Guteres wainhira nia ba hatan
hasai tiha nia imunidade, depois ba hatan hotu no lasala fila fali ba servisu
se nia la sala nia sei la lakon nia kargu,” hatete Carascalao.
Nia
hatutan laiha ema ida mak atu taka dalan ba se deit hodi ba hatan iha Tribunal,
wainhira ema nee hetan karta notifikasaun diskunfia komete krime ruma tanba se
wainhira la ba hatan maka nee sai hanesan lisaun ida ba jerasaun foun, atu halo
tuir laos nee deit nia mos husu ba Eis Ministra Finansas Emila Pires atu ba
hatan mos iha Tribunal kuandu hetan karta hosi Tribunal.
Iha
fatin ketak Tuir observador politik hosi Organijasaun Non Govermental (ONG)
AJAR, Inocencio Xavier, mos hatete ba se deit mak kuandu hetan ona karta
notifikasaun hosi Tribunal, tenke ba hatan atu nunee ema hotu bele hatene ema
nee los ou sala. Informasaun kompletu iha STL Jornal no STL Web, edisaun Sesta
(24/7/2015). Thomas Sanches
Suara Timor Lorosae
Sem comentários:
Enviar um comentário