Taur Kontinua Defende Militar Obrigatoriu

LAUTEM - Prezidente Republika Taur Matan Ruak kontinua Defende Militar Obrigatoriu, tamba militar aprende respeita malu, respeita horas, tan nee joventude nebe tama militar nia hahalok la hanesan ho sidadaun bai-bain.

Taur esplika katak Sai militar Lei Obriga sira atu mate ba ema selik ninia liberdade, tamba nee Militar la hanesan sidadaun sira nebe maka sivil, tamba sira halao servisu kumpri oras no regra nasaun nian.

Hau Komesa uluk sei iha Jeneral to Agora Defende Militar obrigatoriu tamba aprende buat barak no hatene respeita malu no hahalok la hanesan ho sidadaun bai-bain,” dehan Taur liu husi Dialogu ho Povu Suku Maina Primeiru kuarta (22/07/2015).

Nia dehan joven sira iha suku seluk mos hakarak sai militar maibe depende kriteira nebe mak iha, tan nee hein katak iha tempu seluk joven iha suku Larisula mos bele sai militar maibe problema nee laos akontese deit iha Larisula, suku seluk mos hanesan.

Liu husi Sesaun husu no hatan Joven Suku Maina Primeiru, Joaquim Freitas hatete Joven iha suku Larisula barak mak ba tuir rekrutamentu F-FDTL, maibe joven sira la pasa iha rekrutamentu tan nee husu estadu tau matan mos.

Iha fatin hanesan Osorio Pinto husu Prezidente atu Preokupasaun nebe povu aprezenta, antes mandatuu remata, iha balun povu bele senti rejultadu husi preokupasaun nebe mak povu aprezenta.  Informasaun kompletu iha STL Jornal no STL Web, edisaun Sesta (24/7/2015). Timotio Gusmao

Suara Timor Lorosae