Ministra
Negósiu Estranjeiru sueku nian, Margot Wallstrom, iha loron-sesta ne'e tanis
durante debate ida iha televizaun bainhira hatudu foto hosi Aylan Kurdi,
labarik síriu nebe mout no mate iha tasi-ibun ida Turkia nian.
Wallstrom
hatán hela ba entrevista iha televizaun públiku sueku SVT, durante programa ida
espesiál kona-bá drama refujiadu sira nian nebe hatudu reportajen ida kona-bá
imajen nebe xoke mundu tomak.
Hafoin
hatudu tiha entrevista radiofóniku balun nebe halo ho labarik tinan tolu nia
aman, aprezentadór husu ba ministra nebe iha estúdiu kona-bá nia sentimentu.
Bainhira
hamoos nia matan-been, ministru afirma: "Pelumenus halo ezijénsia ida mai
ita hodi halo buat ruma ba nia no ba sira seluk. Hanesan mós indignasaun ida
haree katak buat ne'e akontese no kontinua. Tanba antes ho númeru no ró boot,
ema sira nebe laiha naran".
Sosial-demokrata
ne'e afirma ona katak nia defende atu nasaun europeu sira seluk halo esforsu
ida nebe hanesan ho Suésia hodi simu refujiadu sira.
"Nasaun
sira seluk hosi Uniaun Europeiu tenki hamutuk ho ami hodi asumi
responsabilidade sira. Ami labele kaer responsabilidade tomak", nia
hatete.
Aylan
nia aman konta ona iha loron-kinta ne'e katak nia oan-mane sira ho tinan tolu
no tinan lima, nune'e mós nia feen, mate ona hamutuk ho refujiadu síria na'in
sia seluk iha naufrájiu hosi nia ró iha kalan ida bainhira sira hakarak to'o
iha illa gregu Kos, nebe sai hanesan odamatan hodi tama iha Uniaun Europeiu.
SAPO
TL ho Lusa
Sem comentários:
Enviar um comentário