2015 Tribunal Julga Eis Membru Governu 4

DILI - Iha tinan 2015 nia laran tribunal konsege halao julgamentu ba eis membru governu nain hat mak hanesan Eis Ministru Educasaun Joao Cançio, Eis Ministra Finansas Emilia Pires, Eis Vice Ministra Saude Madalena Hanjam no eis Sekretariu Estadu Obras Publiku Domingos Caero.

Tuir Administrador Tribunal Distrital Dili, Duarte Tilman katak, tanba seidauk too fim do ano tribunal seidauk bele halo relatoriu kona ba kazu korupsaun hira mak julga ona iha tribunal. Tanba nee depois fim do ano mak tribunal foin halo relatoriu ba iha Parlamentu Nasional kona ba kazu korupsaun, krime, sivil hira mak julga ona no seidauk julga hira.

Nia hatutan, maske kazu balun mak julga ona maibe kazu seluk neebe mak tama tan iha tribunal mos barak. Nunee Tribunal seidauk iha relatoriu kona ba prosesu julgamentu ba kazu neebe mak lao ona, tanba seidauk too fin ano.

Maske seidauk iha relatoriu fiksu husi tribunal, maibe kazu korupsaun neebe mak tribunal halo ona julgamentu ba eis membru governu mak hanesan Eis Ministru Educasaun Joao Cançio, Eis Ministra Finansas Emilia Pires, Eis Vice Ministra Saude Madalena Hanjam no eis Sekretariu Estadu Obras Publiku Domingos Caero.

Husi eis membru nain hat nee, balun iha prosesu julgamentu nia laran no balun tama ona ba desizaun final neebe agora sei iha prosesu rekursu nia laran mak hanesan arguidu Joao Cançio, Domingos Caero nomos sira nia diretor. Informasaun kompletu iha STL Jornal no STL Web, edisaun Sesta (18/12/2015). Domingas Gomes

Suara Timor Lorosae