segunda-feira, 11 de janeiro de 2016

KOMISAUN B KONDENA “PREMANISMU” IHA BOP


Komisaun B Parlamentu Nasional ba asuntus Negosiu Estranjeirus, Seguransa no Defeza kondena maka’as atetude pesoal membru Polisia Nasional Timor Leste (PNTL) husi Bataliaun Ordem Publiku (BOP) ne’ebe hatudu hahalo ‘premanismu’ iha fatin publiku.

Foin lalais ne’e, pesoal membru BOP sira uza kareta kamioneta BOP nian baku lesuk estudante husi Universidade Oriental (UNITAL) to’o haris ran no isin lolon mesak kanek.

Prezidenti Komisaun B, David Dias Ximenes “Mandati”, hateten atetude pesoal membru BOP sira nian ne’e la hatudu sira nia profesionalismu.

“Hau lakohi tamba saida mak hau lakohi tamba kuandu polisia iha ema lahalo krime kuandu polisia la iha ema halo krime,” hateten David Mandati iha PN, Sesta (08/01/2016).

Nia hatutan kuandu ema respeita polisia iha ou laiha ema se respeita lei ida ne’e, segundu buat sira mosu tamba polisia sira nia filosofia desibilidade ou kelihatan dimana mana ne’e polisia la iha, polisia sira ho deit kareta mak liu ba liu mai, atu hamrik ho ema koalia dehan ema ne’e diak ka lae, ne’e laiha liu sira mak ba mai ho kareta depois fila fali ba kurtel hakfodak ema telfone mai depois mak tun ba baku ema arbiru deit.

“Hau hatene sira uja mak servisu informasaun intelejensia mak asves telefone ba sira, ida ne’e hau la persija ida, informasaun ne’e ba ema krime, ema nebe atu garantia seguransa ne’e bolu dehan katak presensa disuasora katak kuandu polisia iha neba ema respeitaema sei la halo problema no la komete krime tamba polisia nia presensa iha sosiadade nia le’et atu dehan katak polisia ne’e atu eskolta ita nia sosiadade, polisia ne’e atu garante bem star ita nia sosiadade,” hateten Mandati.

Nia reforsa tan, wainhira sidadaun baku malu ne’e krime tama investigasaun ba kadeia, mais agora polisia mak baku ne’e polisia komete krime.

“Hau lakoi polisia ne’e komete krime, polisia ne’e institusaun nebe ema hotu hotu tenki respeita, fo domin para sira mos bele fo seguransa hau la konkorda kuadu polisia baku ema, polisia laiha profesionalismu, lalaika dehan baku ema ne’e mak laiha profesionalismu kuandu polisia sira sedauk lao tun lao sai tama sosidade nia le’et, komprementa ema husu diak ka lae ne’e mos la profesional,” hateten David Mandati.

Iha fatin hanesan deputadu husi bankada CNRT Cesar Valente hatete ba sidadaun sira nebe hatan violasaun husi membru PNTL bele halo keisa ba iha komisaun B hodi aprezenta mos kronolijia.

“Ita nia sidadaun sira tenki halo keisa pureskritu mai iha komisaun B, aprezenta mos kronologia bele lori ba kedas ba iha Prokurador Jeral da Republika para sira aposta kestaun iha neba i mos PDHJ nebe hare kona ba violasaun diritu humanus, orgaun sira ne’e tenki apresenta em dokumentu,” hateten Cesar Valente.

Nia hatutan kestaun ne’e bele hadia institusaun, bele transforma ema nia mentalidade nebe gosta baku ema para liga ba regulamentu, no mos bele fo informasaun ba publik katak problema ida akontese ou membru institusaun ida komete krimi ruma laos atu koalia deit maibe atraves liu husi dokumentu para apresenta dokumentus i buat sira ne’e hotu nune bele rezolve problema. Dehan nia.

“Sidadaun sira mos tenki hatene katak lei bandu labele halo buat ida ne’e, dala ida polisia mai tolera, dala rua tolera, mais kuandu dala tolu polisia mai tenki uja forsa, laos ezizi deit mak polisia tenki kumpri lei maibe sidadaun sira mos tenki kumpri,” Cesar Valente hatutan. Nes

Jornal Nacional

Sem comentários: