AIR TIMOR PROMOVE PILOTO NO ENJENEIRU TIMOROAN

Dili, 15 Marsu 2016-Kompanha aviasaun Timor-Leste, Air Timor nomeia ona pilotu no enjeñeiru ba dala uluk atu servisu hamutuk ho kompanha no sira ne’e joven Timoroan ne’ebé graduadu.

Prezidente/Diretór Abessy Bento anunsia ohin katak “Julito Gonzaga no Sertinho Soares nomeiada sai hanesan pilotu no sei halao treinamentu tan iha Perth, Weste Australia durante fulan balun ba oin molok mai fali Timor-Leste atu halao tan treinamentu adisiona hamutuk ho pilotu ne’ebé ho esperiensia barak husi Australia hodi halao operasaun aviaun Cessna Grand Caravan ba operasaun charter.

Air Timor sei hatama nia aviaun primeiru mai Timor iha fulan Maiu mai “ida ne’e hanesan parte husi ami nia planu hodi atinji objetivu mak atu iha aviaun ho tipu Jet hodi halao operasaun iha rute internasional” Abessy haktuir”. Agora dadaun Air Timor aluga hela aviaun husi Silk Air no Citilink Indonesia.

Julito moris iha Tutuala no halao nia eskola iha sekundaria Nino Conis Santana de Lautem no kontinua nia estudu iha Nasaun Filipina no hasai nia Lisensiatura Siensia iha transportasaun aéro hafoin ida ne’e nia ba fali Australia atu hetan Lisensa ba pilotu nian (Australian Flgiht Crew Licence).

Sertinho moris iha Ermera, halao nia estudu iha Sekundaria Don Bosco Fatumaca no hasai nia Lisensiatura iha Filipina no kontinua hodi hetan lisensa pilotu nian husi Brisbane Australia (Australian Flight Crew Lisence).

Abessy Bento mos anunsia katak Air Timor hili ona enjeñeiru ida ba uluk – Alarico do Carmo Araujo, ne’ebé hasai nia estudu iha Pre-secudaria St. Luis Gonzaga no kontinua nia estudu iha Sekundaria Serankotek, Suai. Alarico kontinua nia Universidade hodi atinji Lisensiatura Siensia iha area Manutensaun ba aviaun husi Universidade State College of Aeronautics iha Filipina.

Alarico sei servisu no tuir treinamentu iha Darwin, Australia parte norte durante tinan ida ba oin hodi bele atinji Lisensa Enjeñeiru nian (Engeering Lisence) ne’ebé fo sai husi Civil Aviation Safety Authority husi Australia molok mai fali Dili hodi servisu iha Air Timor.

Abessy Bento hatutan katak Air Timor finiliza noemasaun ba Pilotu Senior nain rua husi Australia – Chief Pilot ida no Check nain ida no Training Pilot ne’ebe sei kontratada hodi servisu hamutuk ho Air Timor ba tinan rua hodi estabelese buat hotu iha operasaun no liu-liu atu treina Pilotu Timoroan ba iha nivel intenasional. Pilotu nain rua iha esperiensia no qualifikadu hodi halao operasaun ho aviaun ne’ebé mesin ida no mesin twin/rua, no iha tempu besik ho nia familia sei muda mai hela iha Dili”.  Nia haktuir

“Ami nia objetivu mak atu dezenvolve Air Timor atu sai aviasaun ne’ebé seguru hodi bele atinji iha nivel internasional – hanesan buat ida ne’ebé Timor-Leste tenke urgulhu ho ida ne’e” Abessy Aumenta.

Atu hetan informasaun klaruliu tan, halo favór kontaktu Departementu Sales no Marketing Air Timor nian liu husi emai: anche.cabral@air-timor.com no liu husi telefone +67 73433 999

Timor Post