Esplozaun
tolu iha kapitál, iha aeroportu no metro, halo ema na'in 26 mate no na'in 136
kanek.
Polísia
belga hala'o daudaun operasaun domisiliáriu oioin iha zona sira besik Bruxelas
hafoin esplozaun oioin iha aeroportu no iha metro iha kapital. Informasaun ne'e
avansa hosi emisora públiku RTBF.
Nível
alerta terorista nian iha Béljika aumenta ba nível haat, máximu iha eskala,
tanba esplozaun sira ne'ebé akontese iha loron-tersa dadeer ne'e iha aeroportu
no iha metro. "Hela iha imi nia fatin", apela hosi sentru krizi
Béljika nian ba sidadaun tomak.
Autoridade
belga sira sei haruka militár na'in 225 hodi hametin seguransa iha sidade.
Sistema transporte sira nian para hotu.
Atualizasaun
ikus, halo hosi ministra saúde belga nian, hatudu katak ema na'in 15 mate no
na'in 55 kanek iha estasaun metro Maelbeek, besik iha instituisaun europeia
sira nian. Esplozaun iha estasaun Maelbeek akontese liutiha oras ida hosi
esplozaun ne'ebé akontese iha aeroportu Bruxelas nian ne'ebé halo ona ema na'in
11 mate no na'in 81 kanek.
Fonte:
Renascença Foto: Edisaun TSF online
Sem comentários:
Enviar um comentário