segunda-feira, 14 de março de 2016

Dom Basilio: “PD La Hola Parte Governu Depende Rui”


DILI - Bispu Deocese Baucau Dom Basilio do Nacimento hatete nudar sidadaun husu ba ukun nain sira, hare situasaun politika neebe mak iha tenki hare konsikuensia ba nasaun no governu.

Hatan konaba Partidu CNRT hasai PD husi Bloku Koligasaun, Dom Basilio hatete nia parte foin rona tan nee laiha dadus hodi fo hatene ba publiku, tamba nee labele halo injuzismu moral no politku.

Agora nee PD hola parte iha governu, desizaun ida nee mos iha konsikuensia ba governu maibe solusiona buat hirak nee depende Primeiru Ministru tamba formasaun governu depende Primeiru Ministru depois mak Prezidente ratifika ou lae,” dehan Dom Basilio ba Jornalista Segunda (14/03/2016).

Dom Basilio hein katak laiha paniku buat ruma ba povu iha Timor Leste tamba buat hirak nee funsiona normal iha nasaun demokrasia, maibe rajaun neebe mak governu no partidu ida maioria halo koligasaun, nee disizaun no kestaun interna iha uma laran nian.

Iha fatin hanesan Xefi Bankada CNRT Natalino dos Santos hatete membru governu husi neebe hola parte iha governu atu sai, depende Primeiru Ministru tamba nee labele mete iha kompetensia governu nian.

Nune mos Prezidente Partidu Demokratiku Adriano Nacimento konsidera karta neebe CNRT haruka ba PD hodi hasai husi bloku koligasaun biasa-biasa deit, no membru governu husi PD neebe oras nee iha Governu, depois mak koalia. Informasaun kompletu iha STL jornal no STL Web, edisaun Tersa (15/3/2016). Timotio Gusmao

Suara Timor Lorosae

Sem comentários: