Igreja Katolika Aprezenta Dom Virgilio, PN Adia Plenaria

DILI - Igreja katolika iha Timor Leste aprezenta bispu eleitu Dom Virgilio do Carmo da Silva, ba reprezentante povu iha Parlamentu Nasional (PN), nunee Parlamentu adia plenaria parte dader ba iha loraik tamba lider bankada ho Meja parlamentu halao enkotru ho bispu sira.

Remata aprezenta bispu eleitu, Prezidente Episkopal Igreja Katolika Timor Leste Dom Basilio do Nacimento hatete objeitivu vizita PN hanesan vizita kortejia ba orgaun soberania hanesan Prezidensia Republika, Governu no Parlamentu.

Ami mai parlammentu objetivu mak hanesan konfrensia episkopal ami mai aprezenta bispu foun Deocese Dili nian ba orgaun soberania, ami mai aprezenta Bispu Deocese Dili nian mak Dom Virgilio,” dehan Dom Basilio ba jornalista Segunda (14/03/2016) iha Parlamentu Nasional.

Dom Basilio hatete objetivu seluk tan mak konvida Prezidente Parlamentu no membru orgaun soberanu sira, maske konvida formal ona no mai konvida tan membru Parlamentu laos deit hanesan orgaun soberania estadu, maibe hanesan sarani atu partisipa iha ordenasaun Dom Virgilio nian.

Iha fatin hanesan Vice Prezidente PN Adriano Nacimento hatete vizita amu bispu sira iha PN konvida deputadu sira atu tuir misa ordenasaun bispu foun nian.

Nune mos Vice Prezidente PN Aderito Hugo hatete plenaria Parlamentu laiha tamba halao hela audensia ho bispu nain tolu, hanoin oras ida deit maibe iha asuntu interese nasional balun neebe amu bispu sira hakarak rona situasaun politika, kona ba nasaun ninian husi deputadu sira. Informasaun kompletu iha STL jornal no STL Web, edisaun Tersa (15/3/2016). Timotio Gusmao

Suara Timor Lorosae