US$ 600 MILLOENS SEIDAUK FINANSIA EKONOMIA KRÉDITU – TENKE LOKE INDUSTRIA

Governador Banco Central de Timor-Leste (BCTL), Abrão de Vasconselhos hatete, iha milloens US$ 600 ne’ebe maka seidauk finansia ba ekonomia kréditu.

“Ita iha 600 milloens de dolar disponibiliza atu finansia ita nia ekonomia seidauk utiliza, ha’u hanoin importante tebes,”haktuir Governador BCTL Abrão de Vasconselos, iha Muzeu Rezistensia, Dili, Sesta (11/03), wainhira abertura seminariu nasional ne’ebe organiza husi BCTL no Governu.

Abrão de Vasconselhos haktuir, iha tinan 2014 estabelese tabloid ida iha Finance Center Master Plane pelumenus iha tinan 2020 nivel penetrasaun kreditu ekonomia iha long to JDP bele antinji 30%, ne’e numeru ne’ebe maka kiikoan teb-tebes país barak iha rejiaun ne’e.

Nia dehan, bazeia ba sirkuntansias ne’ebe maka Timor Leste infrenta define tarjetu ida la’os ambisiozu.

“Kuandu ita observa durante tinan 2005 to’o tinan 2015 iha Mudança signifikante iha merkadu kreditu porvolta de 10.8% deit, ne’e numeru ne’ebe maka kiikoan tebes bainhira ita haree nesesidade ekonomia ne’ebe maka ita iha,”tenik Abrão de Vasconselhos.

Ho numeru ida ne’ebe maka 10.8%, ne’e mos tanba kresimentu Press Information Bureau (PIB) ne’ebe bo’ot tebes. Ne’e signifika katak, kresimentu kreditu ne’e rasik kuaje iha signifikante iha periodu ida ne’e. Maibe kompara fali tinan 2003 to’o 2005 iha Mudança bo’ot tebes.

“Kuandu   ita kompara kresimentu entre deposito ho kreditu, ninia diferensia bo’ot tebes situasaun ida ne’e ita observa iha 2008,”haklaken Abrão de Vasconselhos.

Entermus asesu entre 2014, 2015, nia dehan, aumentu numeru kontratu de kreus hamutuk menus de mil kontratus no numeru 5,57 kontratus, signifika durante ne’e deit kreditu 5,57.

“Signifika ita hakarak kompara ho numeru ida ne’e, balun ne’ebe maka nia jatuh tempo tiha ona, iha kreditu foun, mas entermus asesu montante kiikoan tebes, komesa tinan 2015, iha deit 6000 mil kreditu,”haklaken Abrão de Vasconselhos.

Tenke loke industria

Nune’e Peskizador La’o Hamutuk, Juvinal Dias afirma katak, Estadu kuandu fo’o kreditu osan ba setor privadu sira maka sira tenke investe iha industria.

Juvinal Dias hato’o lia hirak ne’e, tanba durante ne’e, tuir nia haree, osan kreditu ka subsidiu ne’ebe Estadu fo’o ba setor privadu sira orienta liu maka ba iha dezenvolvimentu ekonomia Estadu nian   hanesan, eletrisidade no estrada.

“Emprezariu sira orienta liu ba projetu sira Estadu nian rasik, sira kreditu osan para hetan projetu eletrisidadade, estrada no seluk tan,”esplika Juvinal Dias iha seminariu nasional ne’ebe maka organiza hosi Banco Central de Timor Leste (BCTL) no Governu iha salaun Muzeu Rezistensia Dili Sesta (11/03).

Tanba ne’e Juvinal dias husu ba Estadu, wainhira fo’o kreditu para setor privadu sira loke industria kiik iha rai laran.

“Ita labele hein katak, fundu petroliferu to’o tinan 30, porque fundu petroliferu la to ‘o tinan 10,”haklaken Juvinal Dias.avi

Jornal Nacional