Ordena Bispu Foun, Amu Bispu Nain 3 Konvida PM Rui

DILI - Relasiona ho Ordenasaun Episkopal ba Bispu Foun Dioseze Dili, Pe. Virgilio do Carmo da Silva SDB, Bispu nain rua hamutuk ho Bispu eleitu, konvida Primeiru Ministru Rui Maria de Araujo ho membru governu tomak atu partisipa iha seremonia ordensaun episkopal nee.

 Lia hirak nee hatoo husi Primeru Ministru Rui Maria de Araujo, hafoin remata enkontru ho Bispu nain 3, iha Palasiu Governu, Segunda (14/03/2016).

Ohin Amu Bispu nain rua, Dom Basilio do Nascimento no Dom Norberto do Amaral inklui Bispu Eleitu Pe. Virgilio do Carmo da Silva, SDB mai konvida hau, atu partisipa iha misa Ordensaun Episkopal Bispu foun Pe. Virgilo do Carmo da Silva SDB nian iha Tasi-tolu,” hateten PM Rui.

Iha sorumutu nee Bispu nain 3 mos aprezenta sira nia programa konaba misa ordensaun episkopal bispu foun dioseze Dili. Ordenasaun Episkopal nee, sei realiza iha Tasi-tolu, iha loron 19 Marsu 2016, Otl 09.00 dadersan.

Iha parte seluk Deputadu Bankada Frente Mudansa Jose Luis hateten Bispu Eleitu nee mai kongregasaun Salesianu, Bispu Eleitu nee servisu kleur ona, konaba formasaun professional ba joven sira, konaba eduksaun neebe ligadu ho akizasaun professoinal depois ho aktividades profesonais nebe ema hotu-hotu iha Fatumaka neeba.

Nune mos Prezidente Komisaun Organizadora Pe. Juvito Rego de Jesus Araujo hateten preparasaun ba Ordensaun Episkopal Bispu Foun dioseze Dili, preparadu ona, tamba iha ona ida-idak nia komisaun hodi lao tuir nia servisu. Informasaun kompletu iha STL jornal no STL Web, edisaun Tersa (15/3/2016). Joao Anibal

Suara Timor Lorosae