DILI –
Partidu Congresu Nasional Reconstrusaun Timorense (CNRT) husu Primeiru Ministru
(PM), Rui Maria de Araujo, atu hasai membru governu nain 6 neebe mak husi
Partidu Demokratiku (PD), maske deklara an ona hanesan independente.
Deklarasaun
nee fo sai husi reprejentante organijasaun Partidu CNRT hanesan Koordenador
CNRT municipiu 13, OJP no KP-CNRT Luis Albino do Santos, neebe mak halo iha
sede Partidu CNRT Bairos dos Grilos, Kinta (05/05/2016).
Ami
estrutura P-CNRT Municipiu 12 no Regiaun Administrativa Oecusse ho militants
tomak la simu kuadrus no membrus Partidu Demokratiku neebe hola parte iha VI
Governu Konstitusional neebe deklara an indenpendente hodi tur nafatin iha
governu ho rajaun laiha ona bloku koligasaun,” hatete Luis.
Nia
rekomenda ba Komisaun Politika Nasional no Konsellu Diretiva Nasional CNRT hodi
foti desijaun hasoru membru Governu PD mak hanesan, hapara ou hasai membru
Governu PD. Laos nee deit nia mos hatete husu ba Prezidente Partidu CNRT Xanana
Gusmao atu kolia ho PM Rui Maria de Araujo tenke hapara kedas membru Governu PD
hodi halo kedan subtitusaun ba sira.
Iha
fatin hanesan liu husi deklarasaun politika portavos Organijasaun Joventude
Partidu-CNRT, Jose Virgilio R. Pereira, hatete OJP-CNRT mos la simu resposta
neebe mai husi membru Governu PD neebe mak deklara an indenpendente no kontinua
tur nafatin hanesan membru Governu.
Nunee
mos ho Prezidente KP-CNRT, Miguel Manetelu, deklara katak KP-CNRT fo apoiu
totalmente ba desizaun Partidu CNRT hodi hatoo obsaun rua ba membru Governu PD.
Informasaun kompletu iha STL Jornal no STL Web, edisaun Sesta (6/5/2016). Thomas
Sanches/Timotio Gusmao
Suara
Timor Lorosae
Sem comentários:
Enviar um comentário