DILI
– Bankada Partidu Demokratiku (PD) no Frente Mudansa (FM) iha Parlamentu
la partisipa enkontru lider bankada dala uluk, neebe lidera husi Prezidente
Parlamentu eleitu Aderito Hugo hodi halo ajenda plenaria semana oin.
Enkontru
lider bankada sempre halao iha loron Kinta kada semana, maibe semana nee halao
iha Sesta tamba mudansa politika iha Parlamentu Nasional, hodi halo elisaun
foun ba meja PN tamba bloku koligasaun la ejiste ona.
Prezidente
Parlementu Aderito Hugo lidera enkontru ho lider bankada parlamentar hamutuk ho
kompozisaun meja parlamentu, maibe bankada parlamentar neebe partisipa durante
enkotru mak bankada CNRT no FRETILIN tamba PD ho FM la partisipa.
Remata
enkontru Prezidente PN Aderito Hugo hatete primeiru konferensia lider bankada
nian hafoin prosesu tomak neebe termina liu husi elisaun ba meja Parlamentu
foun, hodi hare ba ajenda plenaria semana oin.
Ami
halao konferensia lider bankada hodi hare ajenda plenaria segunda no tersa
semana oin no mos halo observasaun neebe mai husi lider bankada kona ba
komprimisiu foun neebe mak meja parlamentu nasional,” dehan Hugo ba STL sesta
(06/04/2016) iha Parlamentu Nasional.
Hatan
konaba bankada PD no FM la marka prezensa durante konferensia lider bankada,
Aderito rekoinese bankada sira nee la marka prezensa tamba iha razaun
aktividade seluk neebe labele husik liu hanesan PD informa kedas no frente
mudansa halao kontaktu eleitoral.
Iha
fatin hanesan deputadu bankada PD Virgilio Hornai hatete loron Seste tempu atu
halo kontaktu eleitoral, tan nee meja mak tenki reuni atu nunee internalmente
bele delega servisu ba kompozisaun meja neebe foin eleito. Informasaun kompletu
iha STL Jornal no STL Web, edisaun Sabado (7/5/2016). Timotio
Gusmao
Suara Timor Lorosae
Sem comentários:
Enviar um comentário