DILI
- Bloku Koligasaun entre partidu CNRT, PD no Frente Mudansa Rahun termina
ho troka eis Prezidente Parlamentu Nasional (PN) Vicente Guteres ho estrutura
meja, tan nee CNRT okupa tomak kompozisaun Meja PN liu husi Votus Sekretu.
Reprezentante
povu iha uma fukun PN liu husi Plenaria Extra-ordinaria Kinta (05/05/2016)
konsege hili prezidente Parlamentu foun Aderito Hugo, tamba eis prezidente
Parlamentu Vicente Guterres rezigna aan no mos halo elisaun distitusisaun
ba Vice Prezidente PN Adriano Nacimento, ho Vice Sekretaria Meja Angelina
Machado neebe mai husi Bankada PD tamba Laiha ona bloku Koligasaun.
Tama
elisaun ba kandidatura Prezidente PN ho Lista Uniku mai husi Bankada CNRT
Aderito Hugo konsege manan ho votus Afavor 51, Kontra 9, Apstensaun 1 no Nulu
1, Nunee Kontinua halo elisaun distituisaun ba Kompozisaun meja ho votus Afavor
50, Kontra 11 no branku 1 ramata husi nune Kontinua halo elisaun ba Kompozisaun
meja foun ho votus Afavor 52 no Kontra 10.
Nune
Kompozisaun meja PN konsege troka Kompozisaun Meja neebe mai husi bloku
Koligasaun hanesan Prezidente PN Vicente Guterres, Vice Prezidente Parlamentu
Adriano Nacimento no Aderito Hugo no Sekretaria Meja Parlamentu Fernanda lay,
ho Sekretaria Meja Angelina Machado no Angela Freitas.
Plenaria
Extra ordinaria nee Konsege halo mudansa iha PN tamba bloku koligasaun rahun
ona, nunee deputadu sira konsege hili prezidente PN Aderito Hugo ho Vice
Prezidente Parlamentu Eduardo Barreto no Vice Prezidente Duarte Nunes no
Sekretaria meja Parlamentu Fernanda lay, Vice Sekretaria Domingas da Silva
Bilou mali no Angela Freitas. Nunee Kompozisaun meja Parlamentu oras nee okupa
tomak husi deputadu Bankada CNRT tamba deputadu bankada Fretilin, PD no Frente
Mudansa la involve iha meja PN. Informasaun kompletu iha STL Jornal no STL Web,
edisaun Sesta (6/5/2016). Timotio Gusmao/Thomas Sanches
Suara Timor Lorosae
Sem comentários:
Enviar um comentário