Ministru
Edukasaun timoroan hatete fali empeñu iha ensinu portugés iha Timor-Leste, ho
apoiu hosi Portugal no Brazil, maski rekoñese dezafiu sira hosi lian ida ne'ebé
seidauk iha uzu maka'as.
"Lian
portugés seidauk sai hanesan lian ida ne'ebé seidauk iha uzu maka'as. Hanesan dezafiu
ida ne'ebé ami tenki rekoñese. Maibé la'ós hanesan obstákulu ida ka impedimentu
ida. Hanesan de'it dezafiu ida ne'ebé ami sei bele ultrapasa", hatete hosi
António da Conceição.
"Ami,
governante sira, tenki kontinua afirma fali sé maka ami no oinsá maka ami to'o
iha-ne'e. Ne'e tulun hodi ultrapasa ami nia dezafiu sira no mantén ami nia
identidade nu'udar timoroan sira no nune'e mós ami kontribui ba ami nia
ezisténsia global", nia afirma.
Governante
timoroan, ne'ebé ko'alia iha semináriu ida kona-bá lian portugés iha Díli, fó
hanoin katak selebrasaun, iha loron hirak ne'e, iha semana lian portugés nian
hanesan eventu ida ne'ebé, ba Timor-Leste, "iha afirmasaun istóriku ida no
mós afirmasaun ida nu'udar timoroan".
Portugés
"halo parte iha identidade Timor-Leste nian", nia hatete, "tanba
lian identifika ami no halo ami sai nu'udar timoroan sira ohin loron".
Maski
nune'e no maski "lian portugés hanesan lian rezisténsia nian",
ministru insisti ona katak tenki rekoñese dezafiu atuál sira, liuliu iha área
edukasaun ho lian portugés.
"Lei
hosi baze edukasaun nain hatete katak lian sira hosi ensinu maka lian portugés
ho lian tétum, maibé ami labele ignora katak ami nia profesór sira, kompatriota
sira ne'ebé dedika ba ensinu no ba edukasaun tenki hasoru dezafiu ne'e",
nia hatete.
Ministru
felisita apoiu hosi autoridade portugés no brazileiru sira no serbisu ne'ebé fó
nafatin hodi mantén ensinu iha portugés iha Timor-Leste tomak.
Manuel
Gonçalves de Jesus, embaixador Portugal nian iha Díli, ko'alia kona-bá empeñu
hosi autoridade portugés sira hodi "hametin koperasaun" ho
Timor-Leste iha ensinu lian portugés no agradese ona ba profesór sira ne'ebé
"loron-loron serbisu iha ensinu lian portugés", hodi partisipa iha
"polítika linguístika ativu" ida.
José
Dornell, embaixador Brazil nian iha Díli, afirma ona katak "lian portugés
hanesan karakterístiku ida no trasu importante ida hosi identidade"
Timor-Leste nian.
"Líder
sira hosi nasaun ne'e, iha nia vizaun iha tempu naruk no domin ba nasaun
deklara nafatin importánsia hosi lian, domíniu lian nian hanesan instrumentu
hosi koñesimentu no kontaktu ho mundu no liuliu hosi konsolidasaun
nasionalidade rasik, hosi pátria no sira nia oan nian", nia afirma.
Semináriu
- ho partisipante sanulu resin, inklui alunu sira hosi Escola Portuguesa de
Díli - hala'o iha INFORDEP, sentru formasaun prinsipal hosi profesór sira iha
Timor-Leste ne'ebé kolabora nafatin, iha tinan hirak ikus ne'e, ho dosente
luzófonu sira.
SAPO
TL ho Lusa – Foto: EPA@ António Amaral
Sem comentários:
Enviar um comentário