Konferénsia kona-bá fronteira marítimu hala'o iha Díli iha fulan ne'e

Iha fulan ne'e Timor-Leste organiza iha Díli konferénsia ida kona-bá fronteira tasi nian no lei tasi nian, iha tempu ne'ebé hala'o hela Prosedimentu ida Konsiliasaun Obrigatóriu (PCO) ne'ebé hahú hosi Governu timoroan hasoru Austrália iha ONU.

Konferénsia internasional sei iha partisipasaun hosi membru oioin hosi ezekutivu timoroan no espesialista internasional sira, ne'ebé sei analiza aspetu sira hanesan kontestu rejional no global hosi tema fronteira marítimu nian.

Konvidadu espesial hosi konferénsia maka juís rusu Vladimir Golitsyn, prezidente hosi Tribunal Internasional ba Lei Tasi nian, no konfirma ona intervensaun sira hosi primeiru-ministru timoroan, Rui Maria da Araújo, no hosi eis-governante Mari Alkatiri, ne'ebé hala'o ona negósiu ho Austrália kona-bá tratadu Timor Gap, akordu temporáriu ba Tasi Timor nian.

Enkontru ne'e organiza hosi Gabinete Fronteira Tasi nian, sei iha intervensaun sira hosi ministru Estadu no Prezidénsia hosi Konsellu Ministru sira nian, Agio Pereira, hosi xefe diplomasia timoroan nian, Hernâni Coelho no mós hosi ministru Estadu, Kordenadór ba Asuntu sira Administrasaun Estadu nian no hosi Justisa no Ministru Administrasaun Estatal, Dionísio Babo.

Partisipa mós profesór Vaugham Lowe, hosi Universidade Oxford, espesialista iha direitu internasional, embaixador indonéziu Eddy Pratomo, reprezentante espesial ba Determinasaun Fronteira Tasi nian no eis-deputada australianu Janelle Saffin.

Profesor hosi Universidade Gadjah Mada, iha Indonézia, I Made Andi Arsana, no espesialista sira hosi Malázia no Singapura partisipa mós iha konferénsia.

SAPO TL ho Lusa