Horta: Governu Tenki Trava Korupsaun No La Bele Gasta Osan Arbiru

DILI - Prezidente Republika (PR) Taur Matan Ruak inklui Premeadu Nobel da Paz, Jose Ramos Horta, husu ba governu tenki kontrola korupsaun no trava la bele gasta osan arbiru, tanba fundu petrolifeiru sai bebeik i osan tama menus liu, neduni tenki tau atensaun.

Lia hirak nee hatoo husi Premeiadu Nobel da Paz Ramos Horta, ba Jornalista sira, hafoin remata enkontru ho Prezidente Republika (PR) Taur Matan Ruak, iha Palasiu Prezidensial, Aitarak Laran, Dili, Kinta (23/06/2016).

Hau hasoru Prezidenti Taur, ami koalia konaba situasaun rai laran, tanba preokupasaun nafatin husi Prezidente, tamba nee governu tenki kontrola diak liu korupsaun, kontrola la bele gasta osan arbiru, tamba ita nia mina nia folin mos tun, fundu petroliferu mos sai nafatin, osan tamba  menus, maibe hau fiar Primeriu Ministru Rui Maria de Araujo mos halo esforsu makas, hau kuinese nia ema diak, maibe nia mos ema ida iha difikuldades atu hadia governasaun, difikuldades atu trava korupsaun,” hateten  Horta.

Horta mos koalia ho Prezidente, tamba nia sai loron 27 ba Austria tuir konfrensia boot nasaun 40 maka partisipa, husi Eropa ho Eropa Leste, tanba nia nudar komvidadu espesial hodi koalia konba siguransa paz mundial nian.

Iha parte seluk Observador Politika Hernanio de Carvalho hateten Prezidente Taur, Premiadu Nobel da Paz inklui mos povu tomak hakilar bebeik ba governu, atu kontrola korupsaun no kontrola ema sira neebe gasta osamentu latuir dalan. Informasaun kompletu iha STL Jornal no STL Web, edisaun Sesta (24/6/2016). JoaoAnibal

Suara Timor Lorosae