Parlamentu
Nasionál aprova, ho jeneralidade, pakote ida ho diploma tolu
ne’ebé inisia prosesu lejislasaun kona-ba terras e propriedades iha
Timor-Leste, aspetu ida ne’ebé moos importante liu iha dezenvolvimentu
nasaun nian.
Testu,
ne’ebé hetan aprovadu ho jeneralidade, agora bele submete ona ba debate
iha espesialidade, inisia ho prosesu ida ne’ebé obriga moos aprovasaun ba
diploma sira seluk, liliu atu define aspetu hanesan titularidade no
direitu ba propriedade iha nasaun.
Diploma ida ne’ebé hetan aprovadu ho jeneralidade hanesan dekretu-lei kona-ba Lei de Bases do Ordenamento do Território, ne’ebé Governu aprova iha abril, no prevé " ezisténsia tipu instrumentu ba planeamentu territoriál rua: ámbitu nasionál no ámbitu munisipál".
"Ninia aprovasaun permite define espesifikamente prinsípiu orientadór no objetivu Administrasaun, identifika interesse oioin públiku nian ho dimensaun territoriál, uza instrumentu planeamentu territoriál hanesan meiu iha intervensaun Administrasaun Públika, no hanesan moos definisaun ba tipolojia no objetivu ne’ebé tenki tuir lala’ok sira ne’e ", informa Governu.
Tuir loloos, no hanesan esplikasaun iha preámbulu diploma nian, "aprovação da Lei de Bases do Ordenamento do Território permite ona definisaun espesifiku no prinsípiu orientadores Administrasaun ba iha definisaun polítika Ordenamentu Territóriu nian".
Lei ne’e ho objetivu enkuadra "adosaun medida tuir planu, prevene alterasaun ba sirkunstánsia ne’ebé determina iha parsela territóriu nian, garante liberdade Administrasaun iha elaborasaun planu territoriál no evita atu ezekusaun ba planu oin mai sai problema".
Aprovadu iha jeneralidade moos ba lei "regime especial para a definição da titularidade dos bens imóveis", prosesu "fundamentál atu assegura pás no dezenvolvimentu sosiál no ekonómiku iha nasaun", hanesan esplikasaun iha diploma.
"Solusaun ne’ebé hetan iha lei ne’e bazeia ba istória Timor-Leste nian iha dékada ikus ne’e no informasaun ne’ebé rekolla hosi koñesimentu iha estudu durante tinan barak no konsulta públika sira relativu ba kestaun ne’ebé liga ba propriedade imóveis, buka atu kria ekilíbriu ida entre diferente pozisaun ezistente iha sosiedade timoroan", haktuir testu ne’e.
Direitu ba propriedade rekoñese direitu ne’ebé válidu iha uluk "durante presedente administrasaun", kria moos figura iha "direitu informál propriedade nian, ho objetivu atu korrije injustisa ne’ebé la’o molok independénsia Timor-Leste, tamba falta formalizasaun ba iha direitu".
Asesu ba rai garante ho forma rua: parte ida maka, liuhosi kriasaun Cadastro Nacional de Propriedades, "permite hamosu merkadu bens imóveis ida ho seguru no transparente" no, hosi parte seluk, klarifika " bens imóveis pretense ba domíniu Estadu, ho nune’e possibilita realiza jestaun ida di’ak ba ninia patrimóniu".
Lei moos rekoñese propriedade komunitária no kria figura iha zona protesaun komunitária.
Ikus mai Parlamentu moos aprova lei ba " expropriação por utilidade pública" ne’ebé "define rejime aplikável ba espropriasaun iha bens imóveis no estabelese regra no prosedimentu ba kazu sira maka, Estadu, bazeia ba prossekusaun finál utilidade públika, sei obriga, tamba laiha solusaun alternativa viável, nia sei sai nain ba bens imóveis ne’ebé bele pretense ona ba iha domíniu privadu".
SAPO TL ho Lusa
Sem comentários:
Enviar um comentário