Koreia Norte bele iha nukleár 21 ka liu, tuir relatóriu norte-amerikana nian

Koreia Norte bele produs kilat nukleár neen ka liu iha fulan 18 nia-laran, no bele aumenta ninia arsenal liu bomba 21, tuir informasaun hosi 'think tank' norte-amerikanu nian ida horisehik. 

Institutu ba Siénsia no Seguransa Internasionál bazeia ba estimativa iha kuantidade plutóniu no uranium barak ne’ebé Koreia Norte sei produs iha sira-ninia komplesu Yongbyon.

Relatóriu hosi institute ne’e mosu hafoin xefe hosi Ajénsia Internasionál ba Enerjia Atómika (IAEA), Yukiya Amano, iha semana kotuk dehan katak Koreia Norte bele ativa hikas sentrál iha Yongbyon hodi prosesa fila fali plutóniu ba uza kilat nukleár.

SAPO TL ho Lusa