Prezidente
EUA nian, Barack Obama, garanti ona iha loron-sesta, iha mensajen ida ne'ebé fó
sai iha Bruxelas, katak nasaun sei mantén parseria sira ho Reinu Unidu no ho
Uniaun Europeia, subliña katak respeita opsaun hosi eleitoradu ba
"Brexit".
"Povu
hosi Reinu Unidu ko'alia ona no ami respeita nia desizaun. Relasaun espesial
entre Estadus Unidus ho Reinu Unidu dura tebes no hanesan membru hosi NATO,
Reinu Unidu sai importante nafatin iha polítika esternu, seguransa no ekonómiku
hosi EUA nian", Obama hatete.
Líder
norte-amerikanu hatutan mós katak relasaun ho Uniaun Europeia hanesan
importante, no kontribui "hodi promove estabilidade, estimula kresimentu
ekonómiku no simu promosaun hosi valór demokrátiku sira iha kontinente no mós
iha liur".
Obama
apela tiha ona ba votu permanénsia iha UE durante vizita ida Estadu nian ba
Reinu Unidu iha fulan-Abril liubá.
Eleitór
britániku sira desidi ona atu Reinu Unidu sai hosi Uniaun Europeia (UE), hafoin
"Brexit" manán tiha ho 51,9% iha referendu ida ne'ebé halo iha
loron-kinta no nia taxa partisipasaun maka 72,2%.
SAPO
TL ho Lusa
Sem comentários:
Enviar um comentário