Xina
apela ona iha loron-sesta ne'e ba Uniaun Europeia (UE) hodi hetan akordu
"lalais" ida ho Reinu Unidu, hafoin vitória hosi "saída"
iha referendu no hametin nia respeitu ba desizaun hosi povu britániku.
"Ami
hein atu parte rua hahú diálogu no hetan lalais akordu ida" kona-ba oinsá
bele hahú saída britániku nian, hatete hosi porta-vós hosi Ministériu Negósiu
Estranjeiru xinés, Hua Chunying, iha loron-sesta ne'e.
Hua
hatete, iha konferénsia imprensa baibain ne'ebé mantén ho jornalista
estranjeiru sira, katak Xina "respeita" rezultadu hosi referendu no
desizaun hosi primeiru-ministru britániku, David Cameron, ne'ebé fó sai ona nia
intensaun hodi demiti.
Maibé,
porta-vós esklarese ona katak nasaun aziátiku sei mantén akordu sira koperasaun
finanseiru nian ho Reinu Unidu.
Ida
importante liu maka hili hosi "City" hodi lansa emisaun sira ba
títulu denominadu sira iha osan xinés nian, yuan.
Hua
indika mós katak UE ho nia membru sira sei presiza "tempu balun" hodi
estabelese termu sira saída nian.
Portavós
hatutan ona katak Pekin sei mantén nia koperasaun ho Reinu Unidu ho UE hodi
insisti katak "Europa forte ida no estável favorese interese sira hosi
Xina".
Eleitór
britániku sira desidi ona atu Reinu Unidu sei sai hosi Uniaun Europeia hafoin
"Brexit" manán ho votu 51,9% iha referendu ne'ebé hala'o iha
loron-kinta ne'ebé nia taxa partisipasaun maka 72,2%.
Primeiru-ministru
britániku, David Cameron, fó sai ona nia intensaun hodi demiti iha
fulan-Outubru, hanesan sekuénsia hosi rezultadu ne'e.
Bolsa
europeia prinsipál sira loke ona ho negativu ho bolsa hosi Londres tuun besik
8%.
SAPO
TL ho Lusa – Foto: Rajat Gupta/EPA
Sem comentários:
Enviar um comentário