terça-feira, 5 de julho de 2016

CPLP bele sai poténsia mundiál karik iha kultura komunidade nian

PARTILHAR

Prezidente Uniaun Esportadór Komunidade Nasaun Lia-portugés nian (UE-CPLP) konsidera katak CPLP bele sai mós potensiál mundiál boot ida iha dékada rua ka tolu karik iha kultura komunidade nian.

"Ita tenke kria kultura komunidade nian, tanba karik angolanu, portugés no mosambikanu sira no sira seluk moris iha komunidade fó ba sira buat barak, nível vida aas, empregu no rikeza barak, nune’e ita sei sai poténsia mundiál iha dékada rua ka tolu oin mai", hatete Mário Costa ba Lusa.

Ko’alia ba Lusa iha véspera terseiru Fórum Esportadór sira CPLP nian, ne’ebé hala’o iha loron-kinta no sesta iha Beja, Mário Costa hatete katak problema ida ne’ebé mós CPLP enfrenta iha realizasaun negósiu mak deskonfiansa ne’ebé sei eziste tanba "problema relasaun entre nasaun sira iha tempu kolonializmu, ne’ebé sei sai marka entre idozu sira".

Tanba ne’e mak joven sira kontinua asume papél importante iha estratéjia ne’e, no tanba ne’e mós mak iha loron-kinta no sesta, iha Beja, iha joven 250 hosi nasaun luzófonu oioin: "Iha dékada rua oin mai, bainhira sira sai emprezáriu, polítiku, líder opiniaun nian, bainhira joven hirak ne’e iha podér polítiku ka ekonómiku, ita bele iha komunidade, komunidade loos ne’ebé bele aproveita buat ne’ebé importante liu mak ita iha, iha mundu negósiu, mak lian komún", tenik Mário Costa.

Nia hatutan katak ba ida ne’e, folin tebes halo kriasaun "korredór diplomátiku, ho diviza tama sai lalais, ho  interkámbiu merkadoria liuhosi korredór livre ba negósiu sira, no diferensa tratamentu relative ho vistu sira, tanba labele trata emprezáriu ida hanesan ho turista ida".

Tuir Mário Costa, "governante hotu hosi nasaun luzófonu sira iha tebes interese atu iha lejislasaun ne’ebé bele favorese negósu iha espasu ne’e, no to’o aseita atu UE-CPLP bele lori parseiru sira hodi kria lejislasaun, tanba defisiénsia boot ida mak sertifikasaun produtu agríkola, no tanba ne’e sira la konsege haruka sai nia produsaun ba liur".

UE-CPLP iha projetu kriasaun institute no laboratóriu sertifikasaun "no governante sira disponível totál hodi kria lejislasaun iha fulan rua ka tolu hodi bele aprova lalais tanba presiza tebes" atu potensia produsaun ba esportasaun, hatutan jestór ne’e.

Iha loron-sesta no sábadu, iha Beja, hein espozitór 350 resin, ida ne’ebé reprezenta aumentu relasiona ho 169 ne’eb´iha Braga no 80 no ida ne’e iha Lizboa, iha edisaun anteriór rua hosi Fórum, tuir Mário Costa, ne’ebé hatete katak "ema hatete mai ami katak Fórum ne’e iha sentidu tanba negósiu akontese, no halo negósiu hanesan maratona, la’ós 'sprint', tanba ne’e tenke koñese no kria konfiansa".

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: